Fanatu ki te fakasologa

Fanatu ki te lua o auala

Molimau a Ieova

Tuvalu

Se a Tau Kilokiloga ki te Tusi Tapu?

Se a Tau Kilokiloga ki te Tusi Tapu?

Se a tau faka‵tau, se . . .

  • tusi o poto faka-te-tagata?

  • tusi o tala ‵kai?

  • tusi mai Atua?

 FAKAMATALAGA MAI TE TUSI TAPU

“A Tusitusiga Tapu katoa ne māfua mai i te Atua.”2 Timoteo 3:16, Te Tusi Tapu o te Lalolagi Fou.

MEA AOGA MAI TE FAKAMATALAGA TENĀ

Tali fakama‵lie loto ki fesili tāua i te olaga.Faataoto 2:1-5.

Fakatakitakiga kolā e fakatuagagina mō te olaga i aso katoa.Salamo 119:105.

Fakamoemoega mautinoa mō aso mai mua.Loma 15:4.

 E MATA, E MAFAI EILOA O TALI‵TONU TATOU KI FAKAMATALAGA MAI TE TUSI TAPU?

Ao, ona ko pogai konei e tolu:

  • E fetaui ‵lei. Ne tusi a te Tusi Tapu i se 1,600 tausaga ne tino kese‵kese e toko 40. Kae ne ōla eiloa a te tokoukega o latou i taimi kese‵kese. E tiga eiloa te feitu tenā, e fetaui ‵lei a manatu i te tusi kātoa, mo te matua fakavae e tasi!

  • Te fakamaoni o tala fakasolopito. E masani eiloa o ‵funa fakavave sāle ne tino tusitala a takavalega o olotou tino i taua. Kae e ‵kese eiloa a tino ne tusi ne latou te Tusi Tapu me e fakamatala mai eiloa ne latou mo te fakamaoni olotou vāivāiga mo takavalega o te lotou fenua i taua.—2 Nofoaiga Tupu 36:15, 16; Salamo 51:1-4.

  • Valoaga kolā e fakataunu faeloa. Ne ‵valo mai i te Tusi Tapu a te fakamaofaga o te fa‵kai mua o Papelonia i se 200 tausaga mai mua atu i ei. (Isaia 13:17-22) Ne seki fakaasi mai fua a te auala ka fakatakavale ei kae e penā foki loa a te igoa o te tino telā ka fakatakavale ne ia a Papelonia!—Isaia 45:1-3.

E uke aka foki a nisi valoaga i te Tusi Tapu kolā ne fakataunu, ke oko foki eiloa ki toe fakamatalaga likiliki. Kae e a, e se tenā eiloa te mea e fakamoe‵moe tatou ki ei mai i te Muna a te Atua?2 Petelu 1:21.

 SE FESILI KE MAFAUFAU KI EI

E mafai pefea o fai ne te Muna a te Atua ke momea aka te ‵lei o tou olaga?

E tali mai ne te Tusi Tapu a te fesili tenā i te ISAIA 48:17, 18 mo te 2 TIMOTEO 3:16, 17.