Fanatu ki te fakasologa

Fanatu ki te lua o auala

Molimau a Ieova

Tuvalu

Se a Tau Kilokiloga ki Aso Mai Mua?

Se a Tau Kilokiloga ki Aso Mai Mua?

E mata, a te ‵tou lalolagi ka . . .

  • tumau eiloa penei?

  • gasolo aka o masei?

  • gasolo aka o ‵lei?

 FAKAMATALAGA MAI TE TUSI TAPU

“Te Atua . . . ka ‵solo keatea ne ia a loimata katoa mai i olotou mata, kae ka se toe ai se mate, kae ka se toe ai foki se fanoanoa, se tagi io me se ‵mae. Ko palele atu a mea mua.”Fakaasiga 21:3, 4, Te Tusi Tapu o te Lalolagi Fou.

MEA AOGA MAI TE FAKAMATALAGA TENĀ

Galuega aoga kae fakafiafia. Isaia 65:21-23.

Ka se toe ai ne masaki io me ko logo‵maega.Isaia 25:8; 33:24.

Se olaga fakafiafia ki te se-gata-mai mō kāiga mo taugasoa.Salamo 37:11, 29.

 E MATA, E MAFAI EILOA O TALI‵TONU TATOU KI FAKAMATALAGA MAI TE TUSI TAPU?

Ao, ona ko pogai konei e lua:

  • E mafai ne te Atua o fakataunu a te tautoga tenā. I te Tusi Tapu, ko Ieova fua te Atua e fakasino atu ki ei e pelā me e “Malosi Katoatoa,” me e seai se tapula ki tena ‵mana. (Fakaasiga 15:3) Tela la, e mafai eiloa o fakataunu katoatoa ne ia tena tautoga ke ‵fuli te ‵tou lalolagi ke tai ‵lei atu. E pelā mo muna i te Tusi Tapu, “e mafai ne te Atua o fai a mea katoa.”Mataio 19:26.

  • E manako malosi te Atua ke fakataunu a te tautoga tenā. E pelā mo Ieova, e manako malosi eiloa a ia ke toe tuku atu te ola ki tino ‵mate.Iopu 14:14, 15, Tusi Tapu.

E fakaasi mai foki i te Tusi Tapu me i te Tama a te Atua, ko Iesu, ne faka‵lei ne ia a tino ma‵saki. Kaia ne fai ei ne ia te mea tenā? Me ne manako a ia ki ei. (Maleko 1:40, 41) Ne fakaasi mai eiloa ne Iesu i se auala ‵lei katoatoa a uiga o tena Tamana, e auala i tena fia fesoasoani malosi atu ki tino kolā e ma‵nako ki se fesoasoani.Ioane 14:9.

Tela la, ko fakamautinoa ei ne tatou me e ma‵nako a Ieova mo Iesu o fesoasoani mai ke maua ne tatou se olaga fiafia i aso mai mua!Salamo 72:12-14; 145:16; 2 Petelu 3:9.

 SE FESILI KE MAFAUFAU KI EI

Ka ‵fuli pefea ne te Atua a te lalolagi ke tai ‵lei atu?

E tali mai ne te Tusi Tapu a te fesili tenā i te MATAIO 6:9, 10 mo te TANIELU 2:44.