Fanatu ki te fakasologa

Fanatu ki te lua o auala

Molimau a Ieova

Tuvalu

Ko oi e Pule Tonu Atu ki te Lalolagi?

Ko oi e Pule Tonu Atu ki te Lalolagi?

Se a tau faka‵tau . . .

  • ko te Atua?

  • ko tino?

  • me se isi tino aka?

 FAKAMATALAGA MAI TE TUSI TAPU

“Kae ko te lalolagi kātoa ko nofo mai lalo i te pule a te tino masei.”1 Ioane 5:19, Te Tusi Tapu o te Lalolagi Fou.

“Ne vau te Tama a te Atua . . . o fakamalepe a te galuega a te Tiapolo.”1 Ioane 3:8, Tusi Tapu.

MEA AOGA MAI TE FAKAMATALAGA TENĀ

Fakamatalaga kolā e fetaui tonu ki te pogai o fakalavelave i te lalolagi.Fakaasiga 12:12.

Pogai ke tali‵tonu me ka ‵fuli eiloa te ‵tou olaga ke tai ‵lei atu.1 Ioane 2:17.

 E MATA, E MAFAI EILOA O TALI‵TONU TATOU KI FAKAMATALAGA MAI TE TUSI TAPU?

Ao, ona ko pogai konei e tolu:

  • Ko pili eiloa ki te taimi ka fakaseai atu ei a te pulega a Satani. Ko oti ne fakaiku aka ne Ieova ke fakagata atu a te pulega a Satani ki luga i tino. E tauto mai a ia “ke fakaseai atu . . . te Tiapolo,” kae toe faka‵lei aka a fakamaseiga katoa kolā ne fai ne ia.Epelu 2:14, Te Tusi Tapu o te Lalolagi Fou.

  • Ko oti ne filifili aka ne te Atua a Iesu ke pule ki te lalolagi. E ‵kese ‵mao eiloa a Iesu mai i te pule amio fakasaua kae uiga kaimanako o te lalolagi tenei. E folafola mai te Atua e uiga ki te pulega fakatupu a Iesu: “E alofa a ia ki tino vāi‵vai mo tino ma‵tiva . . . E fakaola ne ia latou mai tino saua mo tino matamua.”Salamo 72:13, 14, Tusi Tapu.

  • E se mafai o loi te Atua. E fakaasi manino mai te Tusi Tapu: “E se mafai o loi te Atua.” (Epelu 6:18, Te Tusi Tapu o te Lalolagi Fou) Kafai e tauto mai a Ieova me ka fai ne ia se mea, e fai eiloa pelā me ko oti ne fai ne ia! (Isaia 55:10, 11) A “te pule o te lalolagi tenei ka ‵tuli keatea.”Ioane 12:31.

 SE FESILI KE MAFAUFAU KI EI

Kafai ko oti ne tapale kea‵tea te pule o te lalolagi, ka pefea a te olaga i te taimi tenā?

E tali mai ne te Tusi Tapu a te fesili tenā i te SALAMO 37:10, 11 mo te FAKAASIGA 21:3, 4.