Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Iesu​—Te Auala, te Munatonu, te Ola

 MATAUPU E 15

Ko Fai ne Iesu Tena Vavega Muamua

Ko Fai ne Iesu Tena Vavega Muamua

IOANE 2:1-12

  • TE FAKAIPOIPOGA I KANA

  • KO ‵FULI NE IESU A VAI KI UAINA

Ko te tolu nei o aso talu mai te taimi ne fai ei a Natanielu mo fai se soko e tokotasi o soko muamua o Iesu. Ko olo atu a Iesu mo ana nisi soko muamua ki matū ki te fa‵kai o Kalilaia, ko te lotou fa‵kai eiloa. E faima‵laga atu eiloa latou ki Kana, te fa‵kai o Natanielu. E tu a Kana i tamā mauga i te feitu ki matū o Nasaleta, ko te koga telā ne tupu aka ei a Iesu. Ne ‵kami latou ke olo atu ki te ‵kaiga o te fakaipoipoga i Kana.

Ne fanatu foki te mātua o Iesu ki te fakaipoipoga. E pelā me se taugasoa o te kāiga o lāua ne avaga, e foliga mai me ne aofia malosi a Malia i te fesoasoani atu ki te tausiga o tino e tokouke kolā ne ‵kami. Tela la, ne matea vave ne ia māfai ko oti atu a mea, kae ne lipoti atu ne ia ki a Iesu: “Ko seai ne olotou uaina.”—Ioane 2:3.

A te ‵tonuga loa, ne fai atu a Malia ki a Iesu ke fai aka se faiga e uiga ki te sē lava o te uaina. Mai te fakaaogaga o se tugapati fakauiga telā e fakaasi atu tena ‵teke atu, ne tali atu a Iesu: “Kaia e ‵tau ei o manavase au ki ei e pelā foki mo koe?” (Ioane 2:4) E pelā me ko te Tupu fakaekegina a te Atua, ne seki ‵tau o toe fakatonu atu ana kāiga io me ko ana taugasoa e uiga ki ana galuega, kae na ko tena Tamana faka-te-lagi. Ne tuku atu eiloa ne Malia mo te poto a te filifiliga tenā ke fai ne tena tama, kae ne fai atu fua tou fafine ki tino kolā ne fakasoa atu a uaina: “Fai so se mea e fai atu ne ia.”—Ioane 2:5

E isi ne fagu kele utu vai e ono i konā, kae e ‵tusa loa mo te taki sefulu tupu kalone e mafai o utu ki ei. Ne fakatonu atu a Iesu ki tino fesoasoani: “Faka‵fonu a tiā konā ki vai.” Ne toe fai atu a Iesu: “Asu ne vai mai i ei kae tuku atu ki te pule o te ‵kaiga.”—Ioane 2:7, 8.

Ne ofo te pule o te ‵kaiga i te ‵lei o te uaina, kae ne seki iloa ne ia me ne fai eiloa se vavega ki te mea tenā. Ne kalaga atu a ia ki te tagata telā ne fatoa fakaipoipo, ana muna: “A nisi tino katoa e fakasoa atu muamua ne latou te uaina ‵lei, kae kafai ko ko‵na a tino, ko fakasoa atu ei te uaina masei. Kae ne tausi ne koe te uaina ‵lei ki te taimi tenei.”—Ioane 2:10.

Tenei eiloa te vavega muamua ne fai ne Iesu. I te taimi ne lavea ei ne ana soko ‵fou a te vavega tenei, ne fakamalosi aka i ei te lotou fakatuanaki. Fakamuli ifo, ne faima‵laga atu ei a Iesu, tena mātua mo ana āfa taina ki te fakai ko Kapanaumi, telā e tu pili i te matafaga o te Tai o Kalilaia, i te feitu ki matū togala.