Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Iesu​—Te Auala, te Munatonu, te Ola

Ke fakaakoako ki a Iesu, e ‵Tau mo Koe o . . .

Ke fakaakoako ki a Iesu, e ‵Tau mo Koe o . . .

ATAFAI

E pelā me se tagata ‵lei katoatoa, ne seki logo‵mae a Iesu i te uke o mea kolā e mafatia kae manava‵se ki ei a nisi tino. Kae ne fakaasi atu ne ia a te lasi o tena alofa ki tino. Ne loto fiafia a ia o fanatu i a ia eiloa ke fai a mea kolā e foliga mai me e manakogina malosi ‵ki eiloa ne latou. Ao, ne fakamalosi aka a ia ne te atafai ke fesoasoani atu ki nisi tino. Mafaufau ki fakaakoakoga konā i te Mataupu e 32, 37, 57, 99.

FAIGOFIE KE OLO ATU A TINO KI A KOE

A tino o kautama katoa—tamaliki mo tino ma‵tua—ne maua ne latou te lagonaga me e mafai o olo atu latou ki a Iesu ona ko te mea ne seki fakaasi atu ne ia me i a ia ko tō fakalavelave io me ko tō maluga. Ona ko te mea e lagona ne latou a te fiafia tonu o Iesu ki a latou, ne tokagamalie ei a lagonaga o tino i ana tafa. Ke lavea atu a te mea tenei, onoono ki te Mataupu e 25, 27, 95.

‵TALO I TAIMI KATOA

Ne ‵fuli atu faeloa a Iesu ki tena Tamana e auala i ‵talo mo te loto finafinau, i taimi ne nofo tokotasi ei a ia mo taimi ne ‵nofo fakatasi mo tino tapuaki ‵tonu. Ne ‵talo atu a ia i taimi e uke, kae e se ko taimi ‵kai fua. Ne ‵talo a ia o fakafetai atu ki tena Tamana, o tavae atu ki a ia, kae ke ‵sala atu foki ki tena takitakiga a koi tuai o fai a fakaikuga tāua. Mafaufau ki fakaakoakoga kolā e maua i te Mataupu e 24, 34, 91, 122, 123.

SĒ UIGA KAIMANAKO

I nisi taimi, ne mafai o maua ne ia a mea aoga mai te malōlō mo te mānava malie aka, kae ne fakamuamua faeloa ne ia a manakoga o nisi tino. Ne seki maua ne ia te kilokiloga ke fakamuamua a ia i mea katoa. Ne tuku mai foki i ei ne ia se fakaakoakoga ‵lei telā e mafai o tau‵tali atu tatou ki ei. Sukesuke ki te auala ne fakaasi mai ei a te fakaakoakoga tenā i te Mataupu e 19, 41, 52.

UIGA FAKAMAGALO

Ne uke a mea ne fai ne Iesu i lō te akoako atu fua e uiga ki te manakoga ke fakamagalo atu—ne fakaasi mai ne ia a te uiga fakamagalo i ana faifaiga ki ana soko mo nisi tino. Mafaufau ‵loto ki fakaakoakoga kolā e maua i te Mataupu e 26, 40, 64, 85, 131.

LOTO FINAFINAU

Ne ‵valo mai me ka ita fitifiti a te tokoukega o tino Iutaia ke talia a te Mesia kae ka tamate a ia ne ana fili. Tela la, ne faigofie faeloa o mu‵tana a mea ne fai ne Iesu mō tino. I lō te fai penā, ne fakamaluga aka eiloa ne ia mo te loto finafinau a te tapuakiga tonu. Ne tuku mai ne ia se fakaakoakoga o te loto finafinau mō ana soko katoa kolā e fe‵paki mo te sē fia‵fia o tino io me ko ‵tekemaiga. Onoono ki te Mataupu e 16, 72, 103.

LOTO MAULALO

Ne sili atu eiloa te maluga o Iesu i tino sē ‵lei katoatoa i auala e uke ‵ki, e pelā mo te iloa mo te poto. E mautinoa eiloa me ne sili atu tena malosi i te feitu faka-te-foitino mo tena atamai ona ko tena tulaga ‵lei katoatoa i lō so se tino i ana tafa. Kae ne tavini atu eiloa a ia mo te loto maulalo ki nisi tino. Ka maua eiloa ne koe a akoakoga e uiga ki te mea tenei i te Mataupu e 10, 62, 66, 94, 116.

KUFAKI

Ne fakaasi atu faeloa ne Iesu a te kufaki ki ana apositolo mo nisi tino i taimi ne fakata‵mala ei latou o tau‵tali atu ki tena fakaakoakoga io me e fakagalue aka a mea ne fai atu ne ia. Ne fakafokifoki atu faeloa ne ia mo te kufaki a akoakoga kolā ne ‵tau o maua ne latou ko te mea ke mafai o fakapili‵pili malosi atu latou ki a Ieova. Mafaufau ki fakaakoakoga o te kufaki o Iesu i te Mataupu e 74, 98, 118, 135.