Teutelonome 34:1-12

  • Ko fakaasi ne Ieova a te fenua ki a Mose (1-4)

  • Te mate o Mose (5-12)

34  Ne fanaka a Mose mai te koga laugatasi o Moapi ki te Mauga o Nepo,+ ki te taulu o Peseka,+ telā e saga atu ki Ieliko.+ Kae ne fakaasi atu ne Ieova ki a ia a koga katoa mai Kileata ke oko ki Tanu,+  mo Nafatali kātoa mo te laukele o Efalaima mo Manase, mo te fenua kātoa o Iuta ke oko ki te tai* i te feitu ki togala,+  mo te Nekepi+ mo te Kogā Fenua+ o Iolitana, te vanu laugatasi o Ieliko, te fakai o lakau ko pama, ke oko atu eiloa ki Soala.+  Tenā ne fai atu ei a Ieova ki a ia: “Tenei te fenua ne tauto au ki a Apelaamo, Isaako mo Iakopo kae fai atu, ‘Ka tuku atu ne au a te fenua tenei ki au tama.’*+ Ko fai ne au ke lavea ne koe ki ou mata, kae ka se fanatu koe ki ei i te suā feitu o te vaitafe.”+  Mai tua i konā, ne mate ei a Mose te tavini a Ieova i konā i te fenua o Moapi e pelā eiloa mo pati a Ieova.+  Ne tanu ne ia tou tagata i te vanu i te fenua o Moapi, i te suā feitu o Petepeolo, kae seai se tino e iloa ne ia tena tanuga ke oko mai eiloa ki te aso nei.+  Ko 120 tausaga o Mose i te taimi ne mate ei.+ Ana mata koi ‵lei faeloa, kae koi tumau eiloa tena malosi.  Ne ‵tagi mautuutu a tino Isalaelu ki a Mose i te koga laugatasi o Moapi i aso e 30.+ Tenā ne palele atu ei a aso o te ‵tagi mautuutu mo te fanoanoa e uiga ki a Mose.  Ne ‵fonu a Iosua te tama tagata a Nuno i te poto,* me ne fakaeke ne Mose ana lima ki luga i a ia;+ kae ne kamata o faka‵logo a tino Isalaelu ki a ia kae ne fai eiloa ne latou a mea katoa ne fakatonu atu ne Ieova ki a Mose.+ 10  Kae ne seki toe ai eiloa se pelofeta e pelā mo Mose+ ne toe sae aka i Isalaelu, telā ne iloa faka‵lei*+ ne Ieova. 11  Ne fai ne ia a fakailoga mo vavega katoa kolā ne fai atu ne Ieova ke fai ne ia i te fenua o Aikupito ki te Falao mo ana tavini katoa mo tena fenua kātoa,+ 12  fakatasi mo te lima malosi mo te ‵mana fakaofoofogia telā ne fakaasi atu ne Mose i mua o Isalaelu kātoa.+

Fakamatalaga mai lalo

Telā ko te Tai Lasi, ko te Metitilani.
Epelu, “fanau.”
Io me “ko te poto telā ne tuku atu e auala i te ‵mana o te Atua.”
Epelu, “mata ki mata.”