Teutelonome 33:1-29

  • Ko fakamanuia ne Mose a matakāiga (1-29)

    • Ko ‘lima ki te se-gata-mai’ o Ieova (27)

33  Tenei te fakamanuiaga ne fai atu ne Mose te tagata o te Atua tonu ki tino Isalaelu kae koi tuai a ia o mate.+  Ana muna: “A Ieova​—ne vau mai Sinai,+Kae ne maina atu a ia ki luga i Seila. Ne maina mai tena ‵malu mai koga maugā o Palana,+Kae ne o‵mai tasi mo ia a agelu tapu e se lausia,*+Kae i tena feitu fakaatamai ko ana kautau.+   E fakapelepele ne ia ana tino;+A olotou tino tapu katoa ko ‵nofo i ou lima.+ Ne saga‵saga latou i ou vae;+Ne kamata latou o fakalogo‵logo ki au pati.+   (Ne tuku mai ne Mose se fakatonuga ki a tatou, se tulafono,+E pelā me se kope mō te fakapotopotoga a Iakopo.)+   Kae ne fai a Ia mo fai te tupu o Iesuluna,*+I te taimi ne maopoopo fakatasi ei a takitaki o te fenua,+Fakatasi mo matakāiga katoa o Isalaelu.+   Ke ola eiloa a Leupena kae ke se mate atu,+Kae ko ana tino ke se olo ifo o mu‵tana.”+   Kae ne fai atu ne ia te fakamanuiaga tenei ki Iuta:+ “Fakalogo mai, e Ieova, ki te leo o Iuta,+Kae ke toe fakafoki mai ne koe a ia ki ana tino. Ne puipui faka‵lei ne ana lima a ana mea,Kae ke fesoasoani atu koe ki a ia o taua atu ki ana fili.”+   Ne fai mai a ia penei e uiga ki a Levi:+ “A tau* Tumema mo tau Ulima+ i a te tagata telā e fakamaoni ki a koe,+Telā ne tofotofo ne koe i Masa.+ Ne kamata o fakatau‵fai koe mo ia i vai o Melipa,+   A te tagata telā ne fai atu ki tena tamana mo tena mātua, ‘Ne seki amanaia au ki a lāua.’ Ke oko foki eiloa ki ana taina ne seki fia iloa ne ia,+Kae se fia saga atu ki ana tama tāgata ‵tonu. Me ne faka‵logo faeloa latou ki au pati,Kae tausi ki tau feagaiga.+ 10  Fai ke akoako atu ne latou a Iakopo e uiga ki ikuga o au fakamasinoga+Kae ko Isalaelu ki au Tulafono.+ Fai ke ofo atu ne latou a mea ma‵nogi e pelā me ne mea manogi gali ki a koe*+Mo se taulaga kātoa i luga i tau fatafaitaulaga.+ 11  Ieova, fakamanuia atu ne koe tena malosi,Kae ke fakaasi atu tou fiafia ki galuega o ana lima. Tuki pala atu a vae* o tino kolā e ‵teke atu ki a ia,Ko te mea ke se mafai o ‵teke atu ki a ia a tino kolā e takalia‵lia ki a ia.” 12  Ne fai mai a ia penei e uiga ki a Peniamina:+ “Ke ola mo te tokagamalie a te fagasele a Ieova fakatasi mo ia;I te taimi e fakamalu ei ne ia tou tagata i te aso kātoa,Ka nofo a ia i te va o ana tuauma.” 13  Ne fai mai a ia penei e uiga ki a Iosefa:+ “Ke fakamanuia tena laukele ne Ieova+Ki mea ‵gali o te lagi,Ki te ‵sau mo vai e maua i lalo i koga ‵poko,+ 14  Ki mea ‵gali e ‵fua mai ona ko te laMo mea ‵gali e ‵fua mai i masina takitasi,+ 15  Ki toe mea ‵gali mai mauga* o aso mua+Mo mea ‵gali mai mauga ko leva ne ‵tu mai, 16  Ki mea ‵gali o te lalolagi mo mea kolā e faka‵fonu ki ei,+Mo te taliaga a te Atua telā e nofo i loto i te vao lakau tala‵tala.+ Ke oko atu a mea konā ki luga i te ulu o Iosefa,Ki luga i te ulu o te tino telā ko oti ne ‵vae kea‵tea mai ana taina.+ 17  A tena gali e pelā eiloa me se tama toekimua a se pulumakau tagata,Kae ko ana sau ko sau o se pulumakau vao tagata. Ka sua ne ia ki ei a tinoKe oko eiloa ki koga ‵mao o te lalolagiA latou ko te fia sefuluafe o Efalaima,+Kae ko latou ko te fia afe o Manase.” 18  Ne fai mai a ia penei e uiga ki a Sepulona:+ “Ke fiafia koe e Sepulona māfai ko fano koe ki tua,Kae ko koe e Isakala i loto i ou faleie.+ 19  Ka ka‵laga atu latou ki tino ke olo aka ki luga i te mauga. Ka ofo atu ne latou i konā a taulaga o te amiotonu. Me ka maua ne latou a mea mai i maumea o* te taiMo koloa ‵funa o te one.” 20  Ne fai mai a ia penei e uiga ki a Kato:+ “Ke fiafia a te tino telā e fakalauefa ne ia a tuakoi o Kato.+ E takato a ia i konā e pelā me se leona,Ko toka o ‵sae kea‵tea te lima, e tonu, ko te ulu. 21  Ka filifili ne ia te vaega muamua mō ia,+Tenā te koga ka tausi i ei te vaega o te tino fai tulafono.+ A takitaki o tino ka maopoopo fakatasi. Ka fakaoko atu ne ia te amiotonu o IeovaMo ikuga o ana fakamasinoga e uiga ki Isalaelu.” 22  Ne fai mai a ia penei e uiga ki a Tanu:+ “A Tanu se tamā leona foliki.+ Ka sae mai a ia mai Pasana.”+ 23  Ne fai mai a ia penei e uiga ki a Nafatali:+ “A Nafatali ko lotomalie ki te taliagaKae ko ‵fonu i te fakamanuiaga a Ieova. Puke mō koutou a te feitu ki togala mo saute.” 24  Ne fai mai a ia penei e uiga ki a Asela:+ “Ka fakamanuiagina a Asela ki tama tāgata. Ke alofagina a ia ne ana taina,Kae ke ufi ana vae ki loto i sinu. 25  A fiti mo kopa ko ‵loka o ou mataloa,+Kae ka saogalemu eiloa koe i ou aso katoa. 26  E seai se tino e ‵pau mo te Atua tonu+ o Iesuluna,+Telā e tele i te lagi o fesoasoani atu ki a koeKae tele i luga i kaumana i tena ‵malu.+ 27  A te Atua ko te lafiga mai taimi mua eiloa,+Ana lima ka ‵lago atu ki a koe ki te se-gata-mai.+ Kae ka afuli kea‵tea ne ia te fili mai ou mua,+Kae ka fai mai a ia, ‘‵Ta fakapalele latou!’+ 28  Ka ola mo te tokagamalie a Isalaelu,Kae ko te vaipuna o Iakopo ka tu i a ia eiloaI se laukele e ola i ei a saito mo uaina ‵fou,+Kae ka ‵moti ifo mai i ana lagi a vai mai te ‵sau o te vaveao.+ 29  Ke fiafia koe, e Isalaelu!+ Ko oi e ‵pau mo koe,+Me i a koe se fenua e maua i ei te fakaolataga mai i a Ieova,+A tau talita e puipui ne ia koe,+Fakatasi mo tau pelu malosi? A ou fili ka masiasi i ou mua,+Kae ka lakalaka ne koe olotou tua.”*

Fakamatalaga mai lalo

Io me “ko te fia sefuluafe o tino tapu.”
Tena uiga “Tino Fai Mea Tonu,” se tofi fakaaloalogina o Isalaelu.
A “tau” mo “koe” i te fuaiupu tenei e fakasino atu ki te Atua.
Epelu “i loto i tou isu.”
Io me “kautega.”
Io me kāti, “ko mauga i saegala.”
Epelu, “ka ‵miti mai a mea e uke o.”
Io me kāti, “koga ma‵luga.”