Teutelonome 32:1-52

  • Te pese a Mose (1-47)

    • Ieova, ko te Kaupapa (4)

    • Ko puli i a Isalaelu a tena Kaupapa (18)

    • “I a aku a te taui ma sui” (35)

    • “Ke fia‵fia koutou, e atufenua, fakatasi mo ana tino” (43)

  • Mose e ‵tau o mate i te Mauga o Nepo (48-52)

32  “Fakalogo mai e te lagi, kae ka faipati atu au,Kae ke lagona ne te lalolagi a pati mai toku gutu.   Aku fakatonuga ka ‵to ifo e pelā me se vaiua,Aku pati ka motimoti ifo e pelā me se motiga vai mai te ‵sau o te vaveao,E pelā me se afuga vaiua ki luga i moukuKae pelā foki mo vaiua ‵lotu kolā e ‵to ki luga i lakau.   Me ka folafola atu ne au te igoa o Ieova.+ Ka fakailoa atu ne au te sili o te ‵tou Atua!+   A te Kaupapa, e ‵lei katoatoa ana faifaiga,+E fai ne ia te fakamasinoga tonu i ana mea katoa e fai.+ Ko te Atua fakamaoni+ telā e se mafai o ‵se;+E amiotonu kae fai mea tonu a ia.+   Ko latou eiloa ne fai ne latou a faifaiga sē ‵tonu,+A latou e se ko ana tama‵liki, i o latou eiloa te ‵se.+ A latou se kautama fai mea sē ‵tonu kae fai mea piko‵piko!+   E mata, konei a faifaiga e ‵tau o fai ne koutou ki a Ieova,+Koutou tino va‵lea kae e se atamai?+ E a, a ia e se ko tou Tamana telā ne māfua mai ei koe,+Te Atua telā ne faite ne ia koe kae faka‵mautakitaki foki koe?   Ke masaua aso ko ‵teka;Mafaufau ki tausaga o te fia kautama ko ‵teka atu nei. Fesili ki tou tamana, kae ka fai atu ne ia;+Ki otou toeaina, kae ka fakailoa atu ne latou ki a koe.   I te taimi ne tuku atu ei ne te Atua Tafasili i te Maluga ki atufenua a te lotou tofi,+I te taimi ne vaevae ei ne ia a tama tāgata a Atamu* mai i a latou taki tokotasi,+Ne faka‵tonu ne ia a tuakoi o tino+E ‵tusa mo te aofaki o tino Isalaelu.+   Me i tino o Ieova ko tena vaega tenā;+A Iakopo ko tena tofi.+ 10  Ne maua atu ne ia a tou tagata i te koga lavaki+Mo se toafa e seai ne mea i ei telā e ‵tagi i ei a manu fe‵kai.+ Ne puipui fakatamilo ne ia a tou tagata, kae tausi faka‵lei ki ei,+Kae puipui a ia e pelā eiloa mo tena puipui ki tena ‵kano mata.+ 11  E pelā mo te aeto telā e fakaakoako ana punua ke iloa o eva,E fakape‵pepe mai luga i ana punua,E ‵fola ana kapakau o puke latou,Kae ave ne ia ana punua i luga i ana kapakau,+ 12  Ne takitaki tokotasi faeloa ne Ieova a ia,*+E seai se atua fakaa‵tea i ana tafa.+ 13  Ne fai ne ia ke tele a ia i koga ma‵luga o te lalolagi,+Ko te mea ke kai a ia ki fuataga o te laukele.+ Ne fagai ne ia a ia ki hani mai te kaupapa,Mo sinu mai se kaupapa makeke, 14  Ko pata mai lafu pulumakau mo susu mai lafu mamoe,Fakatasi mo toe mamoe tafasili i te ‵lei,*Mo mamoe tāgata o Pasana, mo kouti tāgata,Fakatasi mo toe saito tafasili i te ‵lei;*+Kae inu koe ki uaina mai sua* o vine. 15  I te taimi ne gasolo aka ei a Iesuluna* o ‵fula, ne aka atu a ia mo te loto ‵teke. A koe ko gasolo o ‵fula, a koe ko malosi, a koe ko putaputa.+ Tenā ne tiaki ei ne ia te Atua ne faite ne ia a ia,+Kae takalialia ki te Kaupapa o tena fakaolataga. 16  Ne fai ne latou a ia ke kaitaua ki atua fakaa‵tea;+Ne fai ne latou a mea fakatakalia‵lia ke kaitaua ei a ia.+ 17  Ne ofo atu olotou taulaga ki temoni, kae e se ki te Atua,+Ki atua kolā e seki iloa lele eiloa ne latou,Ne atua ‵fou kolā ne fatoa ‵sae mai,Ki atua kolā e seki iloa lele eiloa ne otou tupuga. 18  Ko puli i a koe a te Kaupapa+ telā ne fai pelā me ko tou tamana,Kae ko puli i a koe te Atua telā ne fanau ne ia koe.+ 19  I te taimi ne lavea ei ne Ieova te mea tenā, ne ‵teke ne ia latou+Me ne fai ne ana tama tāgata mo tama fāfine ke kaitaua a ia. 20  Ne fai atu a ia, ‘Au ka ‵muni mai i a latou,+Ka lavea ne au a mea ka ‵tupu ki a latou. Me i a latou se kautama loto ma‵keke,+Ne tama tāgata kolā e se fakamaoni.+ 21  Ne fai ne latou au ke kaitaua* ki atua sē aoga;+Ne fai ne latou au ke kaitaua ona ko olotou tupua sē aoga.+ Tela la, ka fai foki ne au latou ke loto ma‵sei ona ko tino sē aoga;+Ka fai ne au latou ke kaitaua ki se atufenua va‵lea.+ 22  A toku kaitaua ne ‵ka i ei se afi+Telā ka ‵ka eiloa ke oko ki koga ‵poko o te Tanuga,*+Kae ka ‵ka i ei te lalolagi mo ana fuataga katoaKae ka fai ei ke ‵ka ulaula a tafito o mauga. 23  Ka fai ne au ke uke olotou puapuaga;Ka fakaaoga ne au aku matasana ki luga i a latou. 24  Ka ‵mate latou i te fia‵kai+Kae ‵paku i te ‵vela o te fiva mo fakamaseiga fakalogo‵mae.+ Ka uga atu ne au a nifo ‵loa o manu fe‵kai ki a latou+Mo manu ‵tolo poisini o te ‵pefu. 25  Ka fanoa‵noa a latou i tua ona ko te pelu;+Kae i loto ka pole‵pole i te ma‵taku,+Ko tamataene mo tamafine,Ke oko ki tama‵liki fo‵liki mo toeaina ulu sinā.+ 26  Ne ‵tau o fai atu au: “Ka fakasalalau ne au latou,Ka fai ne au ke se toe masaua latou ne tāgata,” 27  Moi fai e se mataku au ki faifaiga ka fai ne te fili,+Me e mafai o fakauiga ‵se ne te fili a te mea tenā,+E mafai o fai mai latou: “Ko manumalo te malosi o tatou;+E se ko Ieova ne fai ne ia a mea katoa konei.” 28  Me i a latou se fenua telā e seai ne olotou lagonaga,*Kae seai foki se malamalama i a latou.+ 29  Maumau moi ne ‵poto latou!+ Ka mafau‵fau ‵loto latou ki te mea tenei.+ Ka mafau‵fau latou ki te lotou ikuga.+ 30  E mafai pefea o afuli ne se tino e tokotasi a te toko 1,000,Kae afuli kea‵tea ne se tokolua a te toko 10,000?+ E se mafai o fai penā seiloga ke ‵togi atu latou ne te lotou Kaupapa+Kae tuku atu ne Ieova latou ki olotou fili. 31  Me i te lotou papa e ‵kese mo te Kaupapa o tatou,+E malamalama foki ‵tou fili i te mea tenei.+ 32  A olotou vine ne mai i vine o SotomaMo feitu mauga o Komolo.+ A olotou fuagavine ne fuagavine poisini,A olotou kaufui vine e ‵kava.+ 33  A olotou uaina ko te poisini mai i gata,Ko te poisini fakamataku mai i gata poisini. 34  E a, e seki ‵teu ne au a mea konei,Kae faka‵mau se fakailoga ki ei i oku fale ‵teu koloa?+ 35  I a aku a te taui ma sui mo te fakasalaga,+I te taimi tonu e ‵mole ei olotou vae,+Me ko pili mai te aso o te lotou fakalavelave,Kae ka oko fakavave mai a te lotou ikuga.’ 36  Me ka fakamasino ne Ieova ana tino,+Kae ka alofa a ia ki ana tavini+Māfai ko lavea ne ia me ko gasolo ifo te lotou malosi,Kae ko tino vāi‵vai fua kae e se ma‵losi e ‵toe mai. 37  Kae ka fai mai a ia, ‘Kofea olotou atua,+Ko te kaupapa telā ne ‵sala latou ke faka‵lafi ki ei, 38  Kolā ne masani o ‵kai ki sinu o olotou taulaga,*Kae inu ki uaina o olotou taulaga meainu?+ Fai ke ‵tu aka latou ki luga o fesoasoani ki a koutou. Fai ke fai latou mo otou koga faka‵lafi. 39  ‵Kilo mai me i a au​—au ko te Atua+Kae seai aka foki ne nisi atua i oku tafa.+ Ka tamate ne au, kae fakaola foki ne au.+ Ka fakapakia+ ne au, kae ka faka‵lei+ foki ne au,Kae seai se tino e mafai o sao mai oku lima.+ 40  Au e sisi toku lima ki te lagi,Kae tauto atu au: “E pelā eiloa mo au e ola ki te se-gata-mai,”+ 41  Kafai e fakamata taku pelu malapulapuKae fakatoka toku lima o fakamasino,+Ka avatu ne au te taui ma sui ki oku fili+Kae fakasala a latou kolā e takalia‵lia mai ki a au. 42  Ka fai ne au aku matasana ke ko‵nā i toto,Kae ko taku pelu ka kai ki ‵kano,Ko toto o tino kolā ne tamate mo pagota,Mo ulu o takitaki o te fili.’ 43  Ke fia‵fia koutou, e atufenua, fakatasi mo ana tino,+Me ka taui ma sui ne ia a toto o ana tavini,+Kae toe taui atu ki ana fili+Kae ka fai ne ia se faka‵māga* mō te fenua o ana tino.” 44  Ne vau a Mose kae fai atu ne ia a pati katoa o te pese tenei ke lagona ne tino,+ ko lāua mo Hosia*+ te tama tagata a Nuno. 45  I te otiga ne fai atu ne Mose a pati katoa konei ki Isalaelu kātoa, 46  ne fai atu a ia ki a latou: “Ke masaua ne koutou i otou loto a pati katoa ne fai atu ne au i te aso nei ke fakaeteete koutou i ei,+ ko te mea ke mafai o fakatonu ne koutou otou tama tāgata ke tausi faka‵lei ki pati katoa i te Tulafono tenei.+ 47  Me i pati konei e se ne pati sē aoga mō koutou, kae e fakalagolago ki ei otou ola,+ kae e auala i te pati tenei ka mafai ei o ola leva koutou i te fenua telā ka olo koutou o ‵nofo i ei i te suā feitu o te Iolitana.” 48  Ne faipati atu a Ieova ki a Mose i te aso eiloa tenā, ana muna: 49  “Fanaka ki luga i te mauga o Apalima,+ ko te Mauga o Nepo,+ telā e tu i te fenua o Moapi, kae saga atu ki te feitu ki Ieliko, kae kilo atu ki te fenua o Kanana, telā ka tuku atu ne au ki tino Isalaelu ke fai mō latou.+ 50  Tenā ka mate eiloa koe i te mauga telā ka fanaka koe ki ei, kae ka fakatasi atu koe ki ou tino,* e pelā eiloa mo tou taina ko Alona telā ne mate i te Mauga o Holo+ kae ne fakatasi atu foki ki ana tino, 51  me i a koulua ne seki fakamaoni mai ki a au i mua o tino Isalaelu i te vai o Melipa+ i Katesa i te koga lavaki o Siina, me ne seki faka‵malu ne koulua au i mua o tino Isalaelu.+ 52  Ka lavea ne koe a te fenua tenā mai i se koga ‵mao, kae ka se ulu atu koe ki loto i te fenua telā ka tuku atu ne au ki tino Isalaelu.”+

Fakamatalaga mai lalo

Io me kāti, “ko tino katoa.”
Telā ko Iakopo.
Epelu, “sinu o.”
Epelu, “sinu o nonu.”
Epelu, “toto.”
Tena uiga “Tino Fai Mea Tonu,” se tofi fakaaloalogina o Isalaelu.
Io me “masalosalo.”
Io me “Seoli,” telā ko te tanuga masani o tino. Onoono ki te FP.
Io me kāti, “e faka‵tuli olotou taliga ki pati fakatonutonu.”
Io me “‵kai ki olotou taulaga tafasili i te ‵lei.”
Io me “ka faka‵ma.”
Ko te igoa tonu o Iosua. A Hosia ko te fakatoetoega o te igoa ko Hosaia, telā e fakauiga ki te “Ne Fakaola ne Ioa; Ko Ioa ne Fakaola ne ia.”
A te mea tenei se tugapati fakauiga telā e fakasino atu ki te mate.