Sefanaia 1:1-18

  • Ko pili mai te aso fakamasino o Ieova (1-18)

    • A te aso o Ieova ko oko eiloa i te vave mai (14)

    • E se mafai ne siliva mo aulo o faka‵sao latou (18)

1  Ko te fekau a Ieova telā ne oko mai ki a Sefanaia* te tama tagata a Kuhi te tama tagata a Ketalia te tama tagata a Amalia te tama tagata a Hesekia i aso o Iosia+ te tama tagata a Amone+ te tupu o Iuta:   “Ka ‵teu faka‵ma ne au a mea katoa mai luga i te laukele,” ko te folafolaga a Ieova.+   “Ka ‵teu kea‵tea ne au a tāgata mo manu fe‵kai. Ka ‵teu kea‵tea ne au a manu o te lagi mo ika o te tai,+Mo fatu faka‵siga tino*+ fakatasi mo tino amio ma‵sei;Kae ka tapale kea‵tea ne au a tino mai luga i te laukele,” ko te folafolaga a Ieova.   “Au ka ‵fola toku lima o ‵teke atu ki a IutaKae ‵teke foki ki tino katoa e ‵nofo i Ielusalema,Kae ‵solo kea‵tea ne au mai i te koga tenei so se fakailoga o Paala,+Ko igoa o faitaulaga o atua fakaa‵tea fakatasi mo nisi faitaulaga,+   Mo latou kolā e ifo i luga i tuafale ki te kautau o te lagi,+Mo latou kolā e ifo o tauto mo te fakamaoni ki a Ieova+Kae tela la, e tauto foki mo te fakamaoni ki a Malikama;+   Mo latou kolā e ‵fuli kea‵tea mai te tau‵tali atu ki a Ieova+Kae kolā e se ‵sala ki a Ieova io me fesili atu ki a ia.”+   Ke nofo filemu i mua o te Aliki Sili ko Ieova, me i te aso o Ieova ko pili mai.+ Ne fakatoka ne Ieova se taulaga; ne fakatapu ne ia a latou kolā ne ‵kami mai ne ia.   “I te aso o te taulaga a Ieova ka fakasala ne au a pelenise,Ko tama tāgata a te tupu,+ mo latou katoa kolā e ‵pei ki gatu mai fenua fakaa‵tea.   Ka fakasala ne au a tino katoa kolā e ‵kake ki luga i te tulaga* i te aso tenā,Ko latou kolā ne faka‵fonu ne latou te fale o te lotou matai ki fakasauaga mo te loi. 10  I te aso tenā,” ko te folafolaga a Ieova,“Ka isi se tagi mai i te Mataloa o Ika,+Se ‵tagi fanoanoa mai te vaega fou o te fakai,+Mo te leo pakū mai i tamā mauga. 11  ‵Tagi fanoa‵noa koutou kolā e ‵nofo i Makatesi,*Me i tino fai pisinisi katoa ko oti ne ave katoatoa kea‵tea;*Kae ko latou katoa kolā e fua a siliva ko oti ne fakamaseigina. 12  I te taimi tenā ka iloilo faka‵lei ei ne au a Ielusalema ki moli,Ka fakasala ne au a latou kolā e se manavase, kolā e fai ifo i olotou loto,‘Ka seai se mea ‵lei e fai ne Ieova, kae ka se fai ne ia se mea masei.’+ 13  Olotou koloa ka kaisoa kae ko olotou fale ka ofa ki lalo.+ Ka faite olotou fale, kae ka se ‵nofo latou i ei;Kae ka ‵toki olotou togavine, kae ka se inu latou ki uaina mai i ei.+ 14  A te aso lasi o Ieova ko pili mai!+ Ko pili mai kae ko oko eiloa i te vave mai!*+ A te ‵tagi o te aso o Ieova e fakamataku.+ Ka tagi i ei se toa mafi.+ 15  A te aso tenā se aso o te kaitaua,+Se aso o te puapuaga mo te mafatia,+Se aso o te matagi malosi mo te fakamaofaga,Se aso pouli mo te pouli tagataga,+Se aso o kaumana mo te kaumana matolu,+ 16  Se aso o te pu mo te kalaga o te taua,+O taua ki fakai e puipuigina mo ‵kōna ma‵luga o taoa.+ 17  Ka fai ne au a tino ke puapuaga,Kae ka sa‵sale latou e pelā me ne tāgata ‵kivi,+Me ko Ieova ne agasala latou ki ei.+ Olotou toto ka ‵ligi ki tua e pelā me ne ‵pefu,Kae ko olotou ‵kano* e pelā me ne fekau o manu.+ 18  Ka se mafai ne olotou siliva io me ko olotou aulo o faka‵sao latou i te aso o te kaitaua o Ieova;+Me e auala i te afi o tena loto finafinau ka ‵sunu i ei te lalolagi kātoa,+Me ka fai ne ia se fakaseaiga, se fakaseaiga matagā, ki tino katoa e ‵nofo i te lalolagi.”+

Fakamatalaga mai lalo

Tena uiga “Ko Oti ne ‵Funa ne Ieova (Tausi Faka‵lei).”
Ko mea io me ko faifaiga kolā e aofia i ei te ifo ki tupua.
Kāti ko te tulaga o te nofogaaliki o te tupu.
Kāti se vaega o Ielusalema i tafa o te Mataloa o Ika.
Epelu, “fai ke ‵nofo filemu.”
Io me “vau fakavave!”
Epelu, “gakau.”