Sapakuka 2:1-20

  • ‘Ka kilokilo atu au ke iloa aka me ne a ana pati ka fai’ (1)

  • Te tali a Ieova ki te pelofeta (2-​20)

    • ‘Ke nofo fakatalitali ki te fakaasiga’ (3)

    • Ka ola a te tino amiotonu e auala i te fakamaoni (4)

    • Mea e lima e fakaa‵lofa ei a tino Kaletaia (6-20)

      • Ka ‵fonu te lalolagi i te iloaga e uiga ki a Ieova (14)

2  Ka tu faeloa au i toku tulaga i te koga leoleo,+Kae ka tu au i te koga maluga. Ka tumau au i te kilokilo atu ke iloa aka me ne a ana pati ka fai e auala mai i a auMo taku tali ka fai atu māfai ko polopolokigina au.   Tenā ne tali mai ei a Ieova ki a au: “Tusi te fakaasiga ki lalo, kae ta faka‵lei ki luga i papa fatu,+Ko te mea ke faigofie ki te tino telā e faitau ne ia i se leo maluga.+   Me e seki oko ki te taimi tonu o te fakaasiga,Kae ko fakava‵vave atu nei ki tena gataga,* kae ka se loi eiloa. Kae kafai foki e tuai,* ke nofo fakatalitali eiloa ki ei!+ Me ka taunu eiloa. Ka se tuai eiloa!   Kiloke ki te tino fakamatamata;E se fai sāle ne ia a mea ‵tonu. Kae ko te tino amiotonu ka ola e auala i tena fakamaoni.+   E tonu, ona ko te faitogafiti o te uaina,Ka se oko atu te tagata fia sili ki tena fakamoemoega. Ko fai ne ia tena fiakai ke lasi e pelā mo te Tanuga;*Ko ‵pau a ia mo te mate kae ko se mafai o lotomalie. E fakamaopoopo mai faeloa ne ia a atufenuaKae fakamaopoopo mai a tino ki a ia.+   E a, a latou katoa konei ka se fai‵pati ki se faigamuna, se pati fakauiga, mo tupua ke ‵teke atu ki a ia?+ Ka fai atu latou: ‘Kalofa eiloa i a ia telā e fakaputu a mea kolā e se i a ia—E pefea te leva?—Kae fai ne ia ke lasi atu tena kaitalafu!   E a, ka se ‵tu fakavave aka a tino ne kaitalafu i a koe? Ka ‵tu aka latou kae lūlū malosi ne latou koe,Kae ka fai ei koe pelā me se mea ke ‵fao ne latou.+   Ona ko te mea ne ‵fao ne koe a mea a atufenua e uke,Ka ‵fao eiloa au mea ne te ‵toega o tino katoa,+Ona ko te fakamaligiga ne koe a toto o tāgataMo au fakasauaga ki te lalolagi,Ki fakai mo latou kolā e ola i ei.+   Kalofa eiloa i a ia telā e maua ne ia a mea i se auala matagā ma tena kāiga,Ko te mea ke fai tena ofaga i te koga maluga,Ke sao mai te puapuaga! 10  Ko oti ne fai ne koe se mea fakamasiasi ki tou kāiga. Me ne ‵ta fakapalele ne koe a tino e tokouke ko agasala ei koe ki a koe eiloa.+ 11  Me ka tagi aka se fatu mai te ‵pui,Kae ka tali atu ki ei a fuafua mai laupapa i te tuafale. 12  Kalofa eiloa i a ia telā e faite te fakai e auala i te fakamaligiga o toto,Kae fakatu ne ia se fakai e auala i te sē amiotonu! 13  Kiloke! E a, e se ko Ieova o kautau ne fai ne ia a tino ke ga‵lue malosi o tafu te afi,Kae ke sona fakafi‵ta ne atufenua a latou eiloa kae seai ne maua mai i ei?+ 14  Me i te lalolagi ka ‵fonu i te iloaga e uiga ki te ‵malu o IeovaE pelā mo vai e ‵fonu i ei te tai.+ 15  Kalofa eiloa i te tino telā e tuku atu ne ia ki ana taugasoa ne mea mo inu,Kae fakaopoopo atu ki ei te kaitaua mo te ita, ke fai ei latou ke ko‵nā,Ko te mea ke ‵kilo atu ki te lotou ‵nofo fuafua! 16  A koe ka ‵fonu eiloa i te masiasi i lō te ‵malu. A koe foki—inu kae fakaasi faka‵sau atu ou foliga kolā ne seki pilitome. A te ipu i te lima fakaatamai o Ieova ka oko mai ki a koe,+Kae ka ufi a tou ‵malu ne te masiasi. 17  Me i fakasauaga ne fai ki Lepanona ka ufi i ei koe,Kae ko te fakamaseiga telā e ma‵taku i ei a manu fe‵kai ka oko mai ki a koe,Ona ko te fakamaligiga ne koe a toto o tāgataMo au fakasauaga ki te lalolagi,Ki fakai mo latou kolā e ola i ei.+ 18  Se a te aoga o te tupua faiteMāfai ne ta ne te tino ne faite ne ia? Se a te aoga o te tupua fiti mo te faiakoga o te loi,Faitalia me talitonu ki ei a te tino ne faite ne ia,Kae faite ne ia a atua sē aoga kolā e se mafai o fai‵pati?+ 19  Kalofa eiloa i te tino telā e fai atu ki se potu lakau, “Ala mai!” Io me ki se fatu telā e se faipati, “Ala aka! Akoako mai matou!” Kiloke! Ko oti ne ufi ki aulo mo siliva,+Kae e seai eiloa se mānava i loto i ei.+ 20  Kae ko Ieova e nofo i tena faletapu ‵malu.+ ‵Nofo filemu i ana mua, e te lalolagi kātoa!’”+

Fakamatalaga mai lalo

Io me “fakataunuga.”
Io me “kafai e foliga mai me tuai.”
Io me “Seoli,” telā ko te tanuga masani o tino. Onoono ki te FP.