Salamo 99:1-9

  • Ieova, te Tupu tapu

    • Ne sagasaga i te nofogaaliki mai luga o kelupi (1)

    • Se Atua e fakamagalo kae fakasala (8)

99  A Ieova ko fai mo fai te Tupu.+ Ke pole‵pole eiloa a tino i te ma‵taku. E sagasaga a ia i te nofogaaliki mai luga* o kelupi.+ Ke gasuesue eiloa te lalolagi.   E sili eiloa a Ieova i Siona,Kae e maluga atu a ia i tino katoa.+   Ke ‵viki atu latou ki tou igoa sili,+Me e fakaofoofogia kae tapu.   A ia se tupu mafi telā e fiafia ki te fakamasinoga tonu.+ Ko oti ne faka‵mautakitaki ne koe te fai mea tonu. Ne aumai ne koe a te fakamasinoga tonu mo te amiotonu+ ki a Iakopo.   Fakamaluga aka a Ieova te ‵tou Atua+ kae ifo* ki tena mea tuku vae;+Me i a ia e tapu.+   A Mose mo Alona ne aofia i ana faitaulaga,+Kae ko Samuelu ne aofia i a latou kolā e ka‵laga atu ki tena igoa.+ E ka‵laga atu latou ki a Ieova,Kae ka tali mai a ia ki a latou.+   E faipati atu a ia ki a latou mai loto i te pou kaumana.+ Ne tausi ne latou ana fakamasauaga mo te tulafono ne tuku atu ne ia ki a latou.+   Ieova te motou Atua, ne tali atu koe ki a latou.+ A koe ko te Atua telā ne fakamagalo ne koe latou,+Kae ne fakasala ne koe latou ona ko olotou faifaiga agasala.+   Fakamaluga aka a Ieova te ‵tou Atua+Kae ifo* i mua o tena mauga tapu,+Me i a Ieova te ‵tou Atua e tapu.+

Fakamatalaga mai lalo

Io me kāti, “i te va.”
Io me “tapuaki.”
Io me “tapuaki.”