Salamo 97:1-12

  • Ne fakamaluga aka a Ieova i nisi atua

    • “A Ieova ko fai mo fai te Tupu!” (1)

    • Alofa ki a Ieova, takalialia ki te mea masei (10)

    • Te mainaga mō tino amio‵tonu (11)

97  A Ieova ko fai mo fai te Tupu!+ Ke fia‵fia te lalolagi.+ Ke ‵lifu a fenua fo‵liki e uke.+   A kaumana mo te pouliga matolu e fakatamilo katoa i a ia;+A te amiotonu mo te fakamasinoga tonu ko te fakavae o tena nofogaaliki.+   A te afi e fanatu i ana mua+Kae fakamasei i ei ana fili i feitu katoa.+   A te ‵lapa o ana uila e fakamaina i ei te laukele;E lavea ne te lalolagi kae pole‵pole i te ma‵taku.+   A mauga e liuvai e pelā me ne gako i mua o Ieova,+I mua o te Aliki o te lalolagi kātoa.   A te lagi e folafola atu ne ia tena amiotonu,Kae ko tino katoa e lavea ne latou tena ‵malu.+   A latou katoa kolā e tavini atu ki tupua faite ke fakamasiasigina,+Ko latou kolā e fai‵pati fakamata‵mata e uiga ki olotou atua e seai ne aoga.+ Ifo* ki a ia, koutou katoa e atua.+   Ne lagona ne Siona kae fiafia;+A fakai fo‵liki* o Iuta e ‵lifu Ona ko au fakamasinoga, e Ieova.+   Me i a koe, e Ieova, ko te Atua Tafasili i te Maluga i te lalolagi kātoa;Ko oti koe ne fakamaluga ke maluga atu i nisi atua katoa.+ 10  Koutou kolā e a‵lofa ki a Ieova, takalia‵lia ki te mea masei.+ E puipui ne ia a ola o ana tino fakamaoni;+ E faka‵sao ne ia a latou mai i te lima* o te tino amio masei.+ 11  A te mainaga ne maina aka mō tino amio‵tonu+Kae ko te fiafia mō tino fai mea ‵tonu i te loto. 12  Ke fia‵fia ki a Ieova, koutou tino amio‵tonu,Kae fakafetai atu ki tena igoa ‵malu.

Fakamatalaga mai lalo

Io me “Tapuaki.”
Epelu, “tama fāfine.”
Io me “te malosi.”