Salamo 96:1-13

  • “Usu se pese fou ki a Ieova”

    • Ieova, e ‵tau o avatu ki ei a vikiga (4)

    • A atua o tino e seai ne aoga (5)

    • Tapuaki i otou gatu ‵malu (9)

96  Usu se pese fou+ ki a Ieova. Usu se pese ki a Ieova, e te lalolagi kātoa!+   Usu se pese ki a Ieova; ‵viki atu ki tena igoa. Folafola atu te tala ‵lei o tena fakaolataga i aso takitasi.+   Folafola atu a tena ‵malu i atufenua katoa,Ana galuega fakaofoofogia ki tino katoa.+   A Ieova e sili kae ‵tau o avatu ki ei a vikiga. E fakaofoofogia atu a ia i lō nisi atua katoa.   A atua katoa o tino ne atua e seai ne aoga,+Kae ko Ieova ko te Atua telā ne faite ne ia te lagi.+   A te koga e nofo a ia i ei e ‵malu kae gali;+A te malosi mo te taulekaleka e maua i tena koga tapuaki.+   Tuku atu ki a Ieova a mea e ‵tau o tuku atu ki a ia, koutou e kāiga o tino,Tuku atu ki a Ieova a mea e ‵tau o tuku atu ki a ia ona ko tena ‵malu mo tena malosi.+   Tuku atu ki a Ieova a te ‵malu e ‵tau o tuku atu ki tena igoa;+Aumai se meaalofa kae vau ki loto i ana koga ateatea.   Ifo* ki a Ieova mo otou gatu ‵malu;*Ke ma‵taku i ana mua, e te lalolagi kātoa! 10  Folafola atu ki atufenua: “A Ieova ko fai mo fai te Tupu!+ A te lalolagi* ko oti ne faka‵mautakitaki, e se mafai o fakagasue. Ka fakamasino faka‵lei ne ia a tino.”+ 11  Ke fia‵fia te lagi, kae ke ‵lifu te lalolagi;Ke ‵pa a fa‵tili i te tai mo mea katoa i ei;+ 12  Ke fia‵fia a fatoaga mo mea katoa i loto i ei.+ I te taimi foki tenā, a lakau katoa o te vao e ka‵laga fia‵fia+ 13  I mua o Ieova, me ka vau a ia,Ka vau a ia o fakamasino te lalolagi. Ka fakamasino ne ia te lalolagi nofoaki ki te amiotonu+Kae ko tino ki tena fakamaoni.+

Fakamatalaga mai lalo

Io me “Tapuaki.”
Io me kāti, “ona ko te gali o tena tulaga ‵malu.”
Io me “laukele ola ‵lei.”