Salamo 95:1-11

  • Te tapuakiga tonu fakatasi mo te fakalogo

    • “I te aso nei, kafai e faka‵logo koutou ki tena leo” (7)

    • “Sa loto ma‵keke” (8)

    • “Ka se ulu atu eiloa latou ki loto i toku koga malōlō” (11)

95  O‵mai, ke ka‵laga tatou mo te fia‵fia ki a Ieova! Ke ka‵laga tatou mo te manumalo ki te ‵tou Kaupapa o te fakaolataga.+   Ke o‵mai tatou ki ana mua* o fakafetai+ ki a ia;Ke usu pese tatou kae ka‵laga mo te manumalo ki a ia.   Me i a Ieova ko te Atua sili,Ko te Tupu sili i lō nisi atua katoa.+   E tuku i tena lima a koga ‵poko o te lalolagi;A taulu o mauga i o ia.+   A te tai, telā ne faite ne ia, i o ia,+Kae ne faite ne ana lima a te laukele malō.+   O‵mai, ke tapuaki kae ifo tatou ki lalo;Ke to‵tuli tatou i mua o Ieova te Atua ne faite ne ia tatou.+   Me i a ia ko te ‵tou Atua,Kae ko tatou ko tino o ana laukele moukuā,Ko mamoe i lalo o tena tausiga.+ I te aso nei, kafai e faka‵logo koutou ki tena leo,+   Sa loto ma‵keke e pelā mo taimi ne ‵nofo ei koutou i Melipa,*+E pelā mo te aso ne ‵nofo ei koutou i Masa* i te koga lavaki,+   I te taimi ne tofotofo ei au ne otou tupuga;+Ne fakafesili ne latou au, faitalia me ne lavea ne latou aku galuega.+ 10  E 40 tausaga ne takalialia ei au ki te kautama tenā, kae ne fai atu au: “A latou ne tino kolā e ‵sipa faeloa kea‵tea olotou loto;E seki iloa ne latou oku auala.” 11  Tela la, au ne tauto i toku kaitaua: “Ka se ulu atu eiloa latou ki loto i toku koga malōlō.”+

Fakamatalaga mai lalo

Epelu, “ki mua o ana mata.”
Tena uiga “Kinauga.”
Tena uiga “Tofotofoga.”