Salamo 92:1-15
Se pese. Ko te pese mō te aso o te Sapati.
92 Se mea ‵lei ke fakafetai atu ki a Ieova+Kae usu a pese o vikiga ki tou igoa e te Atua Tafasili i te Maluga,
2 Ke folafola atu tou alofa fakamaoni+ i te tafataeaoMo tou fakamaoni i te po,
3 Ki mea fakatagi‵tagi e sefulu a uka i ei mo se lakau tātā,Fakatasi mo te tagi gali o se kitala.+
4 Me ne fai ne koe au ke fiafia, e Ieova, ona ko au faifaiga;Ona ko galuega a ou lima e kalaga atu ei au mo te fiafia.
5 Ko oko eiloa i te ‵gali o au galuega, e Ieova!+
Ko oko eiloa i te ‵poko o ou mafaufauga!+
6 E seai se tagata sē mafaufau e mafai o iloa ne ia a mea konā;Kae e seai se tino valea e mafai o malamalama i te mea tenei:+
7 Kafai e ola aka a tino amio ma‵sei e pelā me ne mouku ma‵seiKae ko tino fai mea ‵se katoa e olaola ‵lei,Tenā ko mafai ei latou o fakaseai atu ki te se-gata-mai.+
8 Kae ko koe ko oti ne fakamaluga aka ki te se-gata-mai, e Ieova.
9 E tonu, kilo atu mo te manumalo ki ou fili, e Ieova,Kilo atu ki te auala ka fakaseai atu ei ou fili;A tino fai mea ‵se katoa ka salalau valevale.+
10 Kae ka fakamaluga aka ne koe toku malosi e pelā mo te malosi o se pulumakau tagata o te vao;Ka ‵mili ne au toku pa‵kili ki se sinu fou.+
11 A oku mata ka ‵kilo atu mo te manumalo ki oku fili;+Ka ‵logo oku taliga e uiga ki te takavale o tāgata matagā kolā e taua mai ki a au.
12 Kae ko tino amio‵tonu ka olaola ‵lei e pelā mo te lakau ko te pamaKae tupu aka o lasi e pelā me se alasi i Lepanona.+
13 Ne ‵toki latou i te fale o Ieova;E olaola ‵lei latou i koga ateatea o te ‵tou Atua.+
14 Kafai foki loa ko ma‵tua* ka tumau latou i te olaola ‵lei;+Ka tumau te lotou ma‵losi kae lau usiusi,+
15 E folafola atu i ei me i a Ieova e fai mea tonu.
A ia ko toku Kaupapa,+ telā e se maua i ei a faifaiga sē amiotonu.
Fakamatalaga mai lalo
^ Io me “i te taimi ko sinā ei olotou ulu.”
