Salamo 91:1-16

  • Te puipuiga i te koga ‵funa o te Atua

    • Ne fakasao mai te tagata ‵po manu eva (3)

    • Faka‵lafi mai lalo i kapakau o te Atua (4)

    • E saogalemu faitalia te fia afe e ‵siga (7)

    • Ne fakatonu atu ki agelu ke puipui ne latou (11)

91  So se tino e nofo i te koga ‵funa o te Atua Tafasili i te Maluga+Ka nofo mai lalo i te malūga o te Atua Malosi Katoatoa.+   Ka fai atu au ki a Ieova: “A koe ko toku lafiga mo toku ‵pui malosi,+Ko toku Atua telā e talitonu au ki ei.”+   Me ka fakasao ne ia koe mai te matasele a te tino ‵po manu eva,Mai famai fakama‵taku.   Ka puipui ne ia koe ki ana kapakau,Kae mai lalo i ana kapakau ka faka‵lafi koe ki ei.+ A tena fakamaoni+ ka fai pelā me se talita lasi+ mo se ‵pui malosi.   Ka se mataku koe ki mea fakama‵taku o te po,+Io me ko te matasana telā e sana atu i te ao,+   Io me se famai telā e alamati mai i te pouliga,Io me ko fakamaseiga kolā e ‵tupu i te tutonu.   E tokoafe ka ‵siga i ou feituKae toko sefuluafe i tou lima fakaatamai,Kae ka se fakapili‵pili atu eiloa a mea konā ki a koe.+   Ka lavea fua ne koe te mea tenei ki ou mataI te taimi e molimau ei ne koe te fakasalaga o tino amio ma‵sei.   Me ne fai atu koe: “A Ieova ko toku lafiga,”Ko oti ne fai ne koe te Atua Tafasili i te Maluga mo fai tou koga nofo;+ 10  Ka seai se fakalavelave e oko atu ki a koe,+Kae ka seai se mala ka fakapilipili atu ki tou faleie. 11  Me ka tuku atu ne ia ki ana agelu+ se fakatonuga e uiga ki a koe,Ke puipui koe i ou auala katoa.+ 12  Ka sau aka ne latou a koe i olotou lima,+Ko te mea ke se pakia tou vae i se fatu.+ 13  Ka lakalaka ne koe te tamā leona mo te gata poisini;Ka lakalaka ne koe ki lalo i ou vae a te leona fekai mo te gata lasi.+ 14  Ne fai aka te Atua: “Ona ko tena alofa ki a au, ka fakasao ei ne au a ia.+ Ka puipui ne au a ia me e iloa ne ia toku igoa.+ 15  Ka kalaga mai a ia ki a au, kae ka tali atu au.+ Ka fakatasi au ki a ia i taimi o puapuaga.+ Ka fakasao ne au a ia kae faka‵malu a ia. 16  Ka fakamalie ne au a ia mai te faiga ke ola leva a ia,+Kae ka fai ne au ke lavea ne ia aku faifaiga faka‵sao tino.”+

Fakamatalaga mai lalo