Salamo 90:1-17
Ko te ‵talo a Mose, te tagata o te Atua tonu.+
90 Ieova, ne fai eiloa koe mo fai te motou koga ‵nofo*+ i loto i kautama katoa.
2 Koi tuai o fa‵nau a maugaIo me aumai* ne koe te lalolagi mo te laukele ola ‵lei,+Mai te se-gata-mai ki te se-gata-mai, a koe ko te Atua.+
3 E fai ne koe te tagata ke toe foki ki te ‵pefu;E fai atu koe: “Toe ‵foki, koutou e tama a tāgata.”+
4 Me i te afe tausaga i tau kilokiloga e pelā fua mo te aso anafi telā ko teka atu,+E pelā eiloa me se ‵tuga i te po.
5 E ‵teu kea‵tea ne koe latou;+ kae fai latou pelā me e ‵moe;I te tafataeao e fai latou pelā me ne mouku kolā ko ola aka.+
6 I te tafataeao e ‵pula aka kae toe faka‵fou,Kae i te afiafi e mage‵mage kae paku‵paku.+
7 Me i a matou ko oti ne fakamaseigina ne tou kaitaua+Kae ma‵taku foki ona ko tou ita.
8 E tuku ne koe omotou mea ‵se i ou mua;*+Omotou mea ‵funa ko fakaasi faka‵sau atu i te mainaga o ou mata.+
9 Omotou aso e gasolosolo malie eiloa o palele atu ona ko tou kaitaua;Kae ko omotou tausaga e palele atu e pelā eiloa me se musumusuga.
10 A te leva o omotou olaga e 70 tausaga,Io me 80+ māfai e tumau te malosi o te tino.
Kae e ‵fonu eiloa a tausaga konā i fakalavelave mo te fanoanoa;E palele vave atu, ko ‵galo atu ei matou.+
11 Ko oi e mafai o malamalama i te malosi o tou kaitaua?
A te lasi o tou kaitaua e ‵pau eiloa mo te mataku telā e ‵tau o fakaasi atu ki a koe.+
12 Akoako mai matou ke iloa o lau omotou aso+Ko te mea ke maua ne matou te poto i omotou loto.
13 Toe foki mai, e Ieova!+ Ka pefea te leva o te mea tenei?+
Alofa mai ki au tavini.+
14 Fakama‵lie aka matou ki tou alofa fakamaoni+ i te tafataeao,Ko te mea ke mafai ne matou o ka‵laga fia‵fia kae ‵lifu+ i omotou aso katoa.
15 Fai ke fia‵fia matou e ‵tusa mo te aofaki o aso ne fakapuapuaga ei ne koe matou,+Mo tausaga e uke ne fe‵paki ei matou mo fakalavelave.+
16 Ke lavea eiloa ne au tavini au mea e fai,Kae ke lavea ne olotou tama te gali o koe.+
17 Ke i luga i a matou a te taliaga a Ieova te motou Atua;Ke fakamanuia* ne koe a galuega e fai ne omotou lima.
Ao, ke fakamanuia* eiloa ne koe a galuega e fai ne omotou lima.+
Fakamatalaga mai lalo
^ Io me kāti, “te motou lafiga.”
^ Io me “aumai e pelā mo te ‵mae o se fafine telā ka fanau.”
^ Io me “E iloa ne koe omotou mea ‵se.”
^ Io me “faka‵mautakitaki.”
^ Io me “faka‵mautakitaki.”
