Salamo 83:1-18

  • Se ‵talo māfai ko fakafesagai atu ki fili

    • “Te Atua, sa nofo filemu” (1)

    • E fai a fili e pelā me se lakau makaikai (13)

    • A te igoa o te Atua ko Ieova (18)

Se pese. Ko te pese a Asafo.+ 83  Te Atua, sa nofo filemu;+Sa ‵pono tou gutu* io me tu malie, e te Atua Tokotasi.   Kiloke! A ou fili ko oko eiloa i te logoa;+A latou kolā e takalia‵lia ki a koe e fai a faifaiga fakamata‵mata.   E fai ‵funa olotou togafiti o ‵teke atu ki ou tino;E fai‵pati fakatasi latou o ‵teke ki ou tino tāua.   E fai mai latou: “O‵mai, ke ‵ta fakapalele ne tatou a latou e pelā me se fenua,+Ko te mea ke se toe masaua eiloa a te igoa o Isalaelu.”   E loto tasi latou o fai te lotou aofaga;Ne ‵kau fakatasi latou o ‵teke atu ki a koe+   Ko faleie o Etoma mo tino Isamaeli, tino Moapi+ mo tino Hakili,+   Kepola mo Amoni+ mo Amaleka,Filisitia+ fakatasi mo tino e ‵nofo i Tulo.+   Asulia+ foki ko kau atu ki a latou;E ‵lago atu latou ki tama tāgata a Lota.+ (Selā)   Fai ki a latou a te mea ne fai ne koe ki Mitiana,+E pelā mo te mea ne fai ne koe ki a Sesela mo Iapino i te tamā vaitafe o Kisona.+ 10  Ne ‵ta fakapalele atu latou i Enetolo;+Ne fai latou e pelā me ne kaiao mō te laukele. 11  Ke fai olotou tino tāua ke pelā mo Olepaa mo Seipa+Kae ko olotou pelenise* ke pelā mo Sepa mo Salemuna,+ 12  Me ne fai aka latou: “Ke na puke mō tatou a te laukele telā e nofo i ei te Atua.” 13  Toku Atua, fai aka latou ke pelā me se lakau makaikai telā e agina valevale,+E pelā mo kausaito ma‵lō e agina valevale ne te matagi. 14  E pelā me se afi telā e ‵sunu ne ia te vao,E pelā mo te ulaga o te afi telā e ‵paku i ei a mauga,+ 15  Tela la, ke afuli ne koe latou ki tou kaumatagi+Kae fakamatakutaku atu latou ki tou matagi malosi.+ 16  Ufi atu olotou mata ki te masiasi,Ko te mea ke ‵sala atu latou ki tou igoa e Ieova. 17  Ke fakamavale atu latou kae fai ke pole‵pole i te ma‵taku ki te se-gata-mai;Ke fakamasiasigina latou kae ‵mate atu; 18  Ke iloa ne tino me i a koe, telā ko Ieova tou igoa,+Ko koe tokotasi fua te Atua Tafasili i te Maluga i te lalolagi kātoa.+

Fakamatalaga mai lalo

Io me “sē faipati.”
Io me “takitaki.”