Salamo 79:1-13
Ko te pese a Asafo.+
79 Te Atua, ko oti ne ‵fao ne atufenua a tou tofi;+Ko oti ne fakalailai ne latou tou faletapu ‵malu;+Ko oti ne ‵fuli ne latou a Ielusalema mo fai se fakaputuga o mea ma‵sei.+
2 Ko oti ne tuku atu ne latou a foitino ‵mate o au tavini mo fai a meakai a manu eva o te lagiKae ko foitino o ou tino fakamaoni ki manu fe‵kai o te lalolagi.+
3 Ko oti ne ‵ligi ne latou ki tua olotou toto e pelā me ne vai i loto i Ielusalema,Kae e seai se tino e ‵toe ke tanu latou.+
4 Ko fai matou e pelā me se mea fakatakalialia ki omotou tuakoi;+A tino i omotou tafa e fakatauemu kae fakaitaita mai ki a matou.
5 E pefea te leva e Ieova, ka kaitaua ei koe? Ki te se-gata-mai?+
E pefea te leva ka ‵ka ei tou kaitaua e pelā me se afi?+
6 ‵Ligi atu tou kaitaua ki atufenua kolā e se iloa ne latou koeMo malo kolā e se ka‵laga atu ki tou igoa.+
7 Me ko oti ne fakaseai ne latou a IakopoKae fakamasei a tena fenua.+
8 Sa ‵losi mai ki a matou mō mea ‵se a omotou tupuga.+
Fakaasi fakavave mai ki a matou tou alofa fakamagalo,+Me ko oti matou ne fakamalalo eiloa ki lalo.
9 Fesoasoani mai ki a matou, e te Atua o te motou fakaolataga,+Ona ko tou igoa ‵malu;Faka‵sao mai matou kae fakamagalo* omotou agasala ona ko tou igoa.+
10 Kaia e ‵tau ei o fai aka a atufenua: “Tefea te lotou Atua?”+
Fai ke iloa ne atufenua katoa i mua o matouMe ko oti ne taui atu a toto o au tavini kolā ne ma‵ligi.+
11 Ke lagona eiloa ne koe a te mānava fi‵ta o te pagota.+
Fakaaoga aka tou malosi sili* o faka‵sao* a latou kolā ko oti ne fakasala ki te mate.*+
12 Fakasala fakafitu atu omotou tuakoi+Ona ko pati fakaitaita ko oti ne fai ne latou ki a koe, e Ieova.+
13 Tenā, ko matou eiloa, ko ou tino mo te lafu mamoe o ou laukele moukuā,+Ka fakafetai atu ki a koe ki te se-gata-mai;Kae ka folafola atu ne matou ou vikiga mai te kautama e tasi ke oko atu ki te suā kautama.+
Fakamatalaga mai lalo
^ Epelu, “ufi.”
^ Epelu, “lima.”
^ Io me kāti, “fakasaoloto.”
^ Epelu, “tama tāgata o te mate.”
