Salamo 78:1-72

  • Te atafai o te Atua mo te sē lava o te fakatuanaki o Isalaelu

    • Fakailoa atu ki kautama o aso mai mua (2-8)

    • “Ne seki fakatuanaki latou ki te Atua” (22)

    • “Saito o te lagi” (24)

    • Ne “fakafanoanoa ne latou a te Atua Tapu o Isalaelu” (41)

    • Mai Aikupito ki te Fenua o te Folafolaga (43-55)

    • “Ne ‵teke atu faeloa latou ki te Atua” (56)

Masekila.* Ko te salamo a Asafo.+ 78  Faka‵logo mai, e oku tino, ki taku tulafono;*Tuku mai otou taliga ki pati mai i toku gutu.   Ka ‵tala ne au toku gutu o faipati ki se faigamuna. Ka fakamatala atu ne au a mea ‵funa o aso mua.+   Ko mea kolā ne lagona kae iloa ne matou,Kolā ne fakamatala mai ne omotou tamana ki a matou,+   Ka se ‵funa ne matou mai i olotou tama;Ka fakamatala atu ne matou ki kautama ka oko fakamuli mai+A faifaiga ‵gali a Ieova mo tena malosi,+Ko mea fakaofoofogia ne fai ne ia.+   Ne tuku atu ne ia se fakamasauaga ki tama a Iakopo Kae fai se tulafono i Isalaelu;Ne fakatonu ne ia omotou tupugaKe fakailoa atu a mea konei ki olotou tama‵liki,+   Ko te mea ko te suā kautama,Ko tama‵liki kolā e seki fa‵nau mai, ke iloa ne latou a mea konei.+ Kae ka fakamatala atu ne latou ki olotou tama‵liki.+   Tenā ko maua ei ne latou konei te loto talitonu ki te Atua. Ka se puli i a latou a galuega a te Atua+Kae ka tausi ki ana fakatonuga.+   Tenā ko se fai ei latou e pelā mo olotou tupuga,Ko te kautama loto ma‵keke kae uiga ‵teke,+Ko te kautama telā e se ‵mautakitaki* olotou loto+Kae e se loto fakamaoni ki te Atua.   A tino Efalaima e isi ne olotou kausana,Kae ne ‵foki ki tua i te aso o te taua. 10  Ne seki tausi ne latou te feagaiga a te Atua+Kae ne ita ma sa‵sale i ana tulafono.+ 11  Ne puli foki i a latou a mea ne fai ne ia,+Ko galuega fakaofoofogia kolā ne fakaasi ne ia ki a latou.+ 12  Ne fai ne ia a mea fakaofoofogia i mua o olotou tupuga,+I te fenua o Aikupito, i te kogā fenua o Soani.+ 13  Ne ‵vae ne ia te tai ke olo atu latou i loto i ei,Kae fai ne ia a vai ke ‵tu aka e pelā me se ‵pui vaitafe.+ 14  Ne takitaki ne ia latou ki se kaumana i te aoKae i te po kātoa ki te mainaga o te afi.+ 15  Ne ‵vae ne ia a kaupapa i te koga lavaki,Kae tuku atu ne ia latou ke inu ke ma‵kona e pelā loa me inu latou mai i vai ‵poko.+ 16  Ne aumai ne ia a tamā vaitafe mai i se kaupapaKae fai ke ‵tafe mai a vai e pelā me ne vaitafe.+ 17  Kae ne tumau latou i te agasala ki a iaMai te ‵teke atu ki te Atua Tafasili i te Maluga i loto i te toafa;+ 18  Ne ‵teke* atu latou ki te Atua i olotou loto+ Mai te fai atu ke tuku mai a meakai e ma‵nako latou ki ei. 19  Tenā ne fai‵pati ‵teke atu ei latou ki te Atua,Olotou muna: “E a, e mafai ne te Atua o fakatoka se taipola i te koga lavaki?”+ 20  Kiloke! Ne ‵kini ne ia se kaupapaKo te mea ke ‵sali mai ei a vai kae ‵tafe mai a tamā vaitafe.+ “E a, e mafai foki ne ia o tuku mai ne meakai ki a tatou,Io me e mafai ne ia o fakatoka a ‵kano o manu ma ana tino?”+ 21  I te lagonaga ne Ieova a latou, ne kaitaua malosi a ia;+Ne oko atu se afi+ ki a Iakopo,Kae ne oso aka tena kaitaua ki a Isalaelu+ 22  Me ne seki fakatuanaki latou ki te Atua;+Ne seki tali‵tonu latou me mafai ne ia o fakaola latou. 23  Tenā ne fakatonu atu ei a ia ki te lagi kaumanā i luga,Kae ne ‵tala ne ia a mataloa o te lagi. 24  Ne faka‵to mai faeloa ne ia a te manai mo ‵kai latou;Ne tuku atu ne ia ki a latou a saito o te lagi.+ 25  Ne ‵kai a tāgata ki meakai a tino ‵mafi;*+Ne tuku mai ne ia a mea e lava ke ma‵kona latou i ei.+ 26  Ne fakaagi ne ia te matagi mai saegala i te lagiKae fai ke agi te matagi mai saute e auala i tena malosi.+ 27  Kae ne faka‵to ifo ne ia a ‵kano o manu ki luga i a latou e pelā eiloa me ne ‵pefu,Ko manu eva e uke e pelā mo one o te tafatai. 28  Ne fai ne ia ke ‵to a mea konā ki te koga e nofo ei a ia,I tafa o ana faleie katoa. 29  Kae ne ‵kai kae ma‵kona eiloa latou;Ne tuku atu ne ia ki a latou a te mea ne ma‵nako latou ki ei.+ 30  Kae mai mua o fakama‵lie katoatoa ne latou olotou manakoga,I te taimi koi tuku ei olotou meakai i olotou gutu, 31  Ne oso aka te kaitaua o te Atua ki a latou.+ Ne tamate ne ia olotou toe tāgata ma‵losi;+Kae ‵ta ne ia a tamataene o Isalaelu. 32  Faitalia eiloa a mea konei kae ne toe agasala malosi atu latou+Kae ne seki fakatuanaki latou ki ana galuega fakaofoofogia.+ 33  Tenā ne fakapalele ei ne ia olotou aso e pelā eiloa me se mānavaga,+Mo olotou tausaga e auala i mea fakama‵taku e ‵tupu fakafuasei. 34  Kae i taimi katoa e tamate ei ne ia latou, e ‵sala latou ki a ia;+E ‵foki mai latou o ‵sala ki te Atua, 35  Me masaua ne latou i te Atua ko te lotou Kaupapa+Kae ko te Atua Tafasili i te Maluga ko te lotou Fakaola.*+ 36  Kae ne taumafai latou o fakavalea a ia ki olotou patiKae ‵loi ki a ia i olotou gutu. 37  A olotou loto ne seki tu ‵mautakitaki i a ia;+Kae ne seki fakamaoni latou ki tena feagaiga.+ 38  Kae ne alofa fakamagalo+ a ia;E fakamagalo* ne ia olotou mea ‵se kae e se fakaseai atu latou.+ E masani o taofi ne ia tena kaitaua+I lō te fakaputu aka ne ia o tena kaitaua kātoa. 39  Me masaua ne ia i a latou ne tino fua,+Se matagi telā e agi o fano kae e se toe foki mai. 40  Ne ‵teke atu faeloa latou ki a ia i te koga lavaki+Kae fakalogo‵mae ne latou a ia i te toafa!+ 41  Ne tofotofo+ faeloa ne latou a te Atua, Kae fakafanoanoa* ne latou a te Atua Tapu o Isalaelu. 42  Ne seki masaua ne latou tena ‵mana,*I te aso ne faka‵sao* ei ne ia latou mai te fili,+ 43  Te auala ne fakaasi atu ei ne ia ana fakailoga i Aikupito+Mo ana vavega i te kogā fenua o Soani, 44  Mo te auala ne ‵fuli ei ne ia a alavai o te Naila ki toto+Ko te mea ke se mafai ne latou o inu mai olotou tamā vaitafe. 45  Ne uga mai ne ia a mumuga lagofufu ke ū latou+Mo lane ke fakamasei latou.+ 46  Ne tuku atu ne ia olotou lakau kaina ki seakelise fia‵kai,Ko fuataga o olotou fi‵taga ki mumuga seakelise.+ 47  Ne fakamasei ne ia olotou vine ki te vaiua fatu+Mo olotou lakau sukamolo ki te vaiua fatu. 48  Ne tuku atu ne ia olotou manu fai galuega ‵mafa ki te vaiua fatu+Kae ko olotou lafu manu ki uila ‵lapa. 49  Ne fakaoko atu ne ia tena kaitaua telā e ‵ka pelā me se afi,Te ita mo te saua mo te puapuaga,Ne aumai ne potukau o agelu te fakamaseiga. 50  Ne ‵teu faka‵ma ne ia te auala o tena kaitaua. Ne seki faka‵sao ne ia latou mai te mate;Kae ne tuku atu ne ia latou* ki masaki. 51  Fakamuli loa, ne ‵ta ne ia a toekimua katoa o Aikupito,+Ko te kamataga o te lotou malosi e pelā me ne tāgata i faleie o Hamo. 52  Tenā ne aumai ei ne ia ana tino ki tua e pelā me se lafu mamoe+Kae takitaki atu latou e pelā me se lafu i loto i te koga lavaki. 53  Ne ‵taki ne ia latou mo te tokagamalie,Kae ne seki ma‵taku latou;+Ne ma‵lemu olotou fili i te tai.+ 54  Kae ne aumai ne ia latou ki tena kogā laukele tapu,+Ko te koga maugā tenei ne maua mai e auala i tena lima fakaatamai.+ 55  Ne afuli kea‵tea ne ia a atufenua i mua o latou;+Ne tuku atu ne ia ki a latou se tofi mai te fakaaogaga o te uka e fua ei a mea;+Ne faka‵nofo ne ia a matakāiga o Isalaelu i olotou fale.+ 56  Kae ne ‵teke* atu faeloa latou ki te Atua Tafasili i te Maluga, kae e se faka‵logo ki a ia;+Ne seki ‵saga tonu atu latou ki ana fakamasauaga.+ 57  Ne ‵fuli foki latou kea‵tea kae ne faitogafiti eiloa e pelā mo olotou tupuga.+ E se fakatuagagina latou e pelā eiloa me se kausana piko.+ 58  Ne fai faeloa ne latou a ia ke ita ona ko olotou koga ma‵luga,+Kae fakamalosi ne latou a tena kaitaua* ona ko olotou tupua faite.+ 59  Ne lagona ne te Atua kae kaitaua,+Tenā ne ‵teke malosi ei ne ia a Isalaelu. 60  Fakamuli loa, ne tiaki ne ia a te faleie tapu o Sailo,+Ko te faleie ne nofo a ia i ei fakatasi mo tino.+ 61  Ne tuku atu ne ia a te fakailoga o tena malosi ke ave fakapagota;Ko tena gali ki lima o te fili.+ 62  Ne tuku atu ne ia ana tino ki te pelu+Kae ne kamata o kaitaua a ia ki tena tofi. 63  Ana tamataene ne ‵ka i te afi,Kae e seai ne pese o fakaipoipoga ne usu ki ana tamafine ‵ma.* 64  Ana faitaulaga ne ‵mate i te pelu,+Kae ko olotou fāfine kolā ko ‵mate olotou avaga ne seki ‵tagi.+ 65  Tenā ne ala aka ei a Ieova e pelā me ala mai te moe,+E pelā me se tagata mafi+ ko ala aka mai te inuga ki uaina. 66  Kae ne afuli kea‵tea ne ia ana fili;+Ne fai ne ia ke tumau te lotou masiasi. 67  Ne ‵teke ne ia te faleie o Iosefa;Ne seki filifili ne ia te matakāiga o Efalaima. 68  Kae ne filifili ne ia te matakāiga o Iuta,+Te Mauga o Siona, telā e alofa a ia ki ei.+ 69  Ne faite ne ia tena koga tapuaki ke tumau e pelā mo te lagi,+E pelā mo te lalolagi telā ko oti ne faka‵mautakitaki ne ia ki te se-gata-mai.+ 70  Ne filifili ne ia a Tavita+ tena taviniKae ne puke ne ia mai lulu o mamoe,+ 71  Mai te tausiga o mamoe fāfine kolā koi faū olotou tama;Ne fai ne ia tou tagata mo tausi mamoe o Iakopo, ko ana tino,+Kae ke pule ki Isalaelu, ko tena tofi.+ 72  Ne tausi ne ia latou mo tena loto fakamaoni,+Kae mai i ana lima apo ne ‵taki ei ne ia latou.+

Fakamatalaga mai lalo

Onoono ki te FP.
Io me “fakatonuga.”
Epelu, “e se toka.”
Epelu, “ne tofotofo.”
Io me “a agelu.”
Io me “Tino Taui ma Sui.”
Epelu, “ufi.”
Io me “fakalogo‵mae.”
Epelu, “lima.”
Epelu, “fakaola.”
Epelu, “olotou ola.”
Io me “tofotofo.”
Io me “ke masalosalo.”
Epelu, “Kae ko ana tamafine ‵ma ne seki tavaegina.”