Salamo 77:1-20

  • Se ‵talo i taimi o puapuaga

    • Te mafaufau ‵loto ki galuega a te Atua (11, 12)

    • ‘Ko oi e sili pelā mo koe, e te Atua?’ (13)

Ki te takitaki o te kau fai pese; i te Ietutunu.* Ko te salamo a Asafo.+ Se pese. 77  Au ka tagi ki te Atua i toku leo eiloa;Au ka tagi ki te Atua, kae ka lagona ne ia au.+   I te aso o toku puapuaga ne ‵sala au ki a Ieova.+ I te po e ‵fola oku lima ki a ia e aunoa mo te mānava.* E se mafai au o fakamafanafanagina.   Kafai e masaua ne au te Atua, e tagi fanoanoa au;+Au ko mafatia kae ko seai soku malosi.+ (Selā)   E taofi ne koe oku laumata ke ma‵tala;Au ko fanoanoa kae ko se mafai o faipati.   E ‵foki oku mafaufauga ki aso ko ‵teka,+Ki tausaga ko leva ne ‵teka atu.   I te po, e masaua ne au taku pese;+E mafaufau au i toku loto;+E fai ne au se sukesukega maea.   E a, ka ‵pei kea‵tea tatou ne Ieova ki te se-gata-mai?+ E a, ka se toe talia mai ne ia tatou?+   E a, ko gata a tena alofa fakamaoni ki te se-gata-mai? E a, ka seai se aoga o tena tautoga ki kautama katoa?   E a, ko puli i te Atua o fakaasi mai me ko talia ne ia tatou,+Io me ko fai ne tena kaitaua ke seai sena alofa fakamagalo? (Selā) 10  E a, e ‵tau o fai atu faeloa au: “Tenei te mea e mafatia ei au:*+ Ko oti ne ‵fuli ne te Atua Tafasili i te Maluga a tena tulaga* ki luga i a tatou”? 11  Ka masaua ne au a galuega a Ioa;Ka masaua ne au au faifaiga fakaofoofogia i aso ko ‵teka. 12  Kae ka mafaufau ‵loto au ki au faifaiga katoaKae mafaufau ‵loto ki au mea ne fai.+ 13  Te Atua, ou auala e tapu. Ko oi te atua e sili pelā mo koe, e te Atua?+ 14  A koe ko te Atua tonu, telā e fai a mea fakaofoofogia.+ Ko oti ne fakaasi ne koe tou malosi ki tino.+ 15  Ko tou malosi* ne faka‵sao* ei ne koe ou tino,+Ko tama tāgata a Iakopo mo Iosefa. (Selā) 16  Ne lavea koe ne vai, e te Atua;Ne lavea koe ne vai kae manava‵se.+ Kae ko vai ‵poko ne kamata o kaitāua. 17  Ne ‵ligi ifo ne kaumana a vai. Ne ‵pa a fa‵tili i te lagi kaumanā,Kae ko au matasana ne eva valevale.+ 18  A te ‵gulu o au fa‵tili+ e pelā mo teka o kaliota;A te ‵lapa o uila ne fakamaina ki ei a te lalolagi nofoaki;*+A te laukele ne gasuesue kae galulu.+ 19  A tou auala e fanatu i loto i te tai,+A tou auala e fanatu i loto i vai e uke;Kae e se mafai o iloa atu ou kalafaga. 20  Ne ‵taki ne koe ou tino e pelā eiloa me se lafu mamoe,+I te tausiga* a Mose mo Alona.+

Fakamatalaga mai lalo

Onoono ki te FP.
Epelu, “‵mu.”
Io me “e ‵suki ne ia au.”
Epelu, “lima fakaatamai.”
Epelu, “lima.”
Epelu, “fakaola.”
Io me “a te laukele ola ‵lei.”
Epelu, “E auala i te lima.”