Salamo 76:1-12
Ki te takitaki o te kau fai pese; fakatasi mo kitala. Ko te salamo a Asafo.+ Se pese.
76 A te Atua e lauiloa i Iuta;+E sili+ a tena igoa i Isalaelu.
2 A tena fale fakamalumalu e tu i Salema,+Kae ko tena koga nofo e tu i Siona.+
3 Ne ‵fati ne ia i konā a matasana ‵ka o te kausana,Te talita mo te pelu mo meatau o te taua.+ (Selā)
4 A koe e maina malosi;A koe e fakamataku atu i lō mauga e ‵nofo ei a manu fe‵kai.
5 Ko oti ne kaisoa a mea a tino loto ma‵losi.+
Ko ‵to olotou ‵moe;A toa ‵mafi katoa ko se mafai o fai se mea.+
6 Mai i au pati polopoloki, e te Atua o Iakopo,A te tagata fakatele kaliota mo te solofanua ne ‵to lā ‵moe.+
7 Ko koe fua tokotasi e fakaofoofogia.+
Ko oi e mafai o fa‵ki ne ia te lasi o tou kaitaua?+
8 Mai te lagi ne folafola atu ne koe au fakamasinoga;+Ne ma‵taku te lalolagi kae ‵nofo filemu+
9 I te taimi ne tu aka ei te Atua o fai te fakamasinoga,O fakaola a tino agamalu katoa o te lalolagi.+ (Selā)
10 Me i te kaitaua o te tagata ka avatu i ei a vikiga ki a koe;+Ka pei eiloa koe ki te ‵toega o te lotou kaitāua.
11 Fai au tautoga ki a Ieova tou Atua kae fakataunu a mea konā,+A latou katoa kolā e ‵nofo i ana tafa ke aumai olotou meaalofa mo te ma‵taku.+
12 Ka fakamalalo ne ia a te fakamata‵mata o takitaki;E fai ne ia ke ma‵taku valevale a tupu o te lalolagi.
