Salamo 74:1-23
Se Masekila.* Ko te salamo a Asafo.+
74 Te Atua, kaia ko ‵teke ei ne koe matou ki te se-gata-mai?+
Kaia e ‵ka ei tou kaitaua ki te lafu mamoe o ou laukele moukuā?+
2 Ke masaua a tino* ne filifili ne koe i aso mua,+Ko te matakāiga ne faka‵sao ne koe mo fai tou tofi.+
Ke masaua te Mauga o Siona, telā ne nofo koe i ei.+
3 Takitaki atu ou vae ki koga o fakamaseiga tumau.+
Ko oti ne fakamasei ne te fili a mea katoa i te koga tapu.+
4 A ou fili e paka‵laga i loto i ou koga tapuaki.*+
Ko oti ne faka‵tu aka olotou fuka e pelā me ne fakailoga i konā.
5 E ‵pau latou mo tāgata kolā e fakaaoga a takū i te vao matolu.
6 E ofa ne latou ana mea fakagali‵gali+ katoa ki takū mo mea faigaluega fiti.
7 Ne ‵sunu ne latou tou koga tapuaki ki te afi.+
Ne fakamasei ne latou te faleie tapu telā e tauave i ei tou igoa, kae ‵pei atu ki te laukele.
8 Ne fai aka latou fakatasi mo olotou tama i olotou loto:
“E ‵tau o ‵sunu a koga tapuaki katoa o te Atua i te fenua.”
9 Ko seai ne fakailoga e lavea atu ne tatou;Ko seai nei ne pelofeta,Kae seai se tino i a tatou e iloa ne ia me pefea te leva o te mea tenei.
10 E pefea te leva, e te Atua, ka fakaitaita mai faeloa a te fili?+
E a, ka fakaasi atu ne te fili a te se āva ki tou igoa ki te se-gata-mai?+
11 Kaia e taofi ei ne koe tou lima, ko tou lima fakaatamai?+
‵Fola mai ki tua mai tou fatafata kae fakapalele atu latou.
12 Kae ko te Atua ko toku Tupu mai aso mua eiloa,Ko te tino e fai ne ia a faifaiga faka‵sao tino i te lalolagi.+
13 Ne fai ne koe ke sou te tai i tou malosi;+Ne tuki palapala ne koe a ulu o manu fe‵kai o te tai.
14 Ne tuki pala ne koe a ulu o Leviatana;*Ne tuku atu ne koe a mea konā e pelā me ne meakai ki tino, ki a latou kolā e ‵nofo i te toafa.
15 Ne ‵kati ne koe a pūga o vaipuna mo tamā vaitafe;+Ne faka‵masa ne koe a vaitafe kolā e ‵tafe malosi.+
16 A te ao i o koe, e pelā foki te po.
Ne faite ne koe te mainaga mo te la.+
17 Ne fai ne koe a tuakoi katoa o te lalolagi;+Ne fai ne koe te tau ‵vela mo te tau ‵moko.+
18 Ke masaua a pati fakaitaita a te fili, e Ieova,Ko faifaiga sē āva ne fai ne tino va‵lea ki tou igoa.+
19 Sa talia ke tamate te ola o tau lupe ne manu fe‵kai.
Sa puli i a koe a te ola o ou tino puapuaga ki te se-gata-mai.
20 Ke masaua te feagaiga,Me i koga pouli o te lalolagi ko ‵fonu eiloa i faifaiga fakasaua.
21 A ia telā ne tuki pala ke se ‵fuli kea‵tea mo te fanoanoa;+A ia telā e malalo kae mativa ke ‵viki atu ki tou igoa.+
22 Tu mai ki luga, e te Atua, o ‵lago ki tau tagi.
Ke masaua te auala ne fakaitaita ei koe ne te tino valea i te aso kātoa.+
23 Ke mo a ma puli a pati e fai ne ou fili.
A te paka‵laga o latou kolā e ‵teke atu ki a koe e fanaka eiloa ki luga.
Fakamatalaga mai lalo
^ Epelu, “tau fakapotopotoga.”
^ Io me “te koga o koe e maopoopo i ei.”
^ Onoono ki te FP.
