Salamo 73:1-28

  • Ko toe maua ne se tagata amioatua se kilokiloga ‵lei faka-te-agaga

    • “Oku vae ko pili eiloa o takasē‵se” (2)

    • “Ne puapuaga eiloa au i te aso kātoa” (14)

    • ‘Ke oko ki te taimi ne ulu ei au ki te koga tapuaki o te Atua’ (17)

    • Tino amio ma‵sei e ‵tu i te laukele molemole (18)

    • A te fakapilipili atu ki te Atua e ‵lei ki a au (28)

Se pese a Asafo.+ 73  A te Atua e ‵lei eiloa ki Isalaelu, ki a latou kolā e loto ‵ma.+   E pelā mo au, a oku vae ko pili eiloa o takasē‵se;A oku vae ko pili o ‵mole.+   Me i a au ne kaisano i tino uiga fia ‵sili*Māfai ko lavea ne au te filemu o tino amio ma‵sei.+   Me e se logo‵mae latou i te lotou ‵mate;Olotou foitino e ‵tupu malosi‵losi.*+   E seai ne olotou fakalavelave e pelā mo nisi tino,+Io me logo‵mae latou e pelā mo nisi tāgata.+   Tela la, a te fakamatamata ko te lotou malele;+A fakasauaga e pei ne latou e pelā me se gatu.   A te lotou manuia ko fai ei ke puta‵puta olotou mata; Ko uke atu olotou mea i lō mafaufauga o te loto.   E ‵kata fakatauemu latou kae fai a pati ma‵sei,+ E fakamatakutaku atu latou mo te fakamata‵mata e uiga ki fakasauaga.+   E fai‵pati latou e pelā me e ma‵luga latou pelā mo te lagi,Kae olo valevale i te lalolagi mo olotou gutu e fai‵pati ki so se mea e ma‵nako ki ei. 10  Tela la, ko ‵fuli atu ana tino ki a latou,Kae inu mai i olotou vai e uke. 11  E fai aka latou: “E iloa pefea ne te Atua?+ E a, e iloa tonu eiloa ne te Atua Tafasili i te Maluga?” 12  Ao, konei a tino amio ma‵sei kolā e faigofie ki a latou a mea katoa.+ E gasolo aka faeloa ki luga olotou maumea.+ 13  E mautinoa me seai se aoga ne tausi ei toku loto ke ‵maKae ‵fulu oku lima me seai soku ‵se.+ 14  Kae ne puapuaga eiloa au i te aso kātoa;+I tafataeao katoa e fakasala faeloa au.+ 15  Kae moi ne faipati atu ne au a mea konei,Ko fakatogafiti ei ne au ou tino.* 16  Kafai e taumafai au ke malamalama i ei,E fakalavelave mai faeloa te mea tenā ki a au 17  Ke oko ki te taimi e ulu atu ei au ki te koga tapuaki sili o te Atua,Kae ne iloa ei ne au te lotou fakamoemoega i aso mai mua. 18  E mautinoa me ne tuku ne koe latou i te laukele molemole.+ E fai ne koe latou ke ‵siga ki te lotou fakamaseiga.+ 19  Ko oko eiloa te vave o te lotou fakamaseiga!+ Ko oko eiloa te vave o te lotou fakaotiga māfai ko oko atu ki te lotou gataga masei! 20  E pelā me se moemiti māfai ko ala aka se tino, e Ieova,Kafai e tu aka koe, ka ‵teke ne koe latou mo te fakatauemu. 21  Kae ko toku loto ko ‵kava,+Kae i loto eiloa* e lagona ne au te masuki o te ‵mae. 22  Au ko se iloa o fai se mea kae ko se lava te malamalama;Ko ‵pau au mo se manu valea i ou mua. 23  Kae nei la, e fakatasi faeloa au mo koe;Ko oti ne puke ‵mau koe ki toku lima fakaatamai.+ 24  E takitaki ne koe au ki au pati fakatonutonu,+Kae oti aka ko takitaki ne koe au ki te tulaga ‵malu.+ 25  Ko oi e maua ne au i te lagi? Kae i tafa o koe e seai loa se mea e manako au ki ei i te lalolagi.+ 26  A toku foitino mo toku loto e mafai o vāivāi,Kae ko te Atua ko te kaupapa o toku loto kae ko toku tusaga ki te se-gata-mai.+ 27  E tonu, a latou kolā e faka‵mao mai i a koe ka ‵mate. Ka fakaseai atu ne koe a tino sē fakamaoni* katoa kolā e tiaki ne latou koe.+ 28  Kae pelā mo au, a te fakapilipili atu ki te Atua e ‵lei ki a au.+ Ko oti ne fai ne au te Aliki Sili ko Ieova mo fai toku lafiga,Ke folafola atu au galuega katoa.+

Fakamatalaga mai lalo

Io me “tino e fai‵pati fakamata‵mata.”
Io me “Olotou tinae e ‵kisa.”
Epelu, “te kautama o au tama tāgata.”
Epelu, “i loto i oku nonu.”
Epelu, “e fai amioga fakatauavaga sē ‵tau.”