Salamo 7:1-17

  • A Ieova se Famasino amiotonu

    • “Fakamasino mai au, e Ieova” (8)

Se pese fanoanoa a Tavita telā ne usu ne ia ki a Ieova e uiga ki pati a Kusi te tino Peniamina. 7  Ieova toku Atua, au e faka‵lafi+ atu ki a koe. Fakaola aka au mai i a latou katoa kolā e fakasaua mai ki a au kae fakasao mai au.+   I te mea ma saesae likiliki ne latou au e pelā mo mea e fai ne se leona,+Kae sau au kea‵tea e aunoa mo se tino ke fakasao au.   Ieova toku Atua, kafai ne fai ne au te mea ‵se tenei,Kafai ne fai ne au se faifaiga sē fakamaoni,   Kafai au ko ‵se ki te tino ne fai ne ia a mea ‵lei ki a au,+Io me kafai ne kaisoa ne au a mea a toku fili e aunoa mo se pogai,*   Tenā ko fai ei ke afuli au ne se fili o fakatakavale;Fai ke lakalaka ne ia toku ola i te laukeleKae fai ke galo atu toku tulaga ‵malu i te ‵pefu. (Selā)   Tu mai ki luga i tou kaitaua, e Ieova;Tu aka o ‵teke atu te kaitaua o oku fili;+Ala aka o fesoasoani mai ki a au, kae fakatonu atu ke fai te fakamasinoga tonu.+   Fai ke fakatamilo koe ne atufenua;Kae ka gasuesue koe o ‵teke atu ki a latou mai te koga maluga.   A Ieova ka fakasala ne ia a tino.+ Fakamasino mai au, e Ieova, e ‵tusa mo toku amiotonuKae e ‵tusa mo toku fakamaoni.+   Fakamolemole fakagata aka a faifaiga matagā a tino amio ma‵sei. Kae fakatumau a tino amio‵tonu,+Me i a koe ko te Atua amiotonu+ telā e iloilo ne ia a loto+ mo lagonaga ‵loto*+ o tino. 10  A te Atua ko toku talita,+ ko te Fakaola o latou kolā e fai mea tonu i te loto.+ 11  A te Atua se Famasino amiotonu,+Kae e folafola mai ne te Atua ana fakamasinoga i aso katoa. 12  Kafai e se salamō se tino,+ e fakamata ne Ia tena pelu;+E ‵futi ne ia tena kausana kae fakatoka.+ 13  E fakatoka ne ia ana meatau fakama‵taku;E fai ne ia ke toka ana matasana ‵ka.+ 14  Kilo atu ki te tino telā e faitama i amioga ma‵sei;E faka‵fua ne ia a fakalavelave kae fanau mai i ei te loi.+ 15  E ‵sae ne ia se lua kae keli ke ‵poko,Kae tō a ia ki te pūga telā ne fai eiloa ne ia.+ 16  A te fakalavelave ne fakamāfua ne ia ka toe foki atu eiloa ki tena ulu;+Ana fakasauaga ka ‵to ifo ki luga i tena ulu. 17  Ka tavae ne au a Ieova ona ko tena fakamasinoga tonu;+Ka usu ne au a pese o vikiga ki te igoa o Ieova+ te Atua Tafasili i te Maluga.+

Fakamatalaga mai lalo

Io me kāti, “I te taimi ne fakasao ei ne au te tino ne ‵teke mai ki a au e aunoa mo se pogai.”
Io me “tofotofo a loto mo nonu.”