Salamo 68:1-35

  • ‘Ke salalau atu a fili o te Atua’

    • “Te tamana o tama‵liki e seai ne tamana” (5)

    • E tuku atu ne te Atua se fale ki a latou kolā e ‵nofo taki tokotasi (6)

    • E folafola atu ne fāfine a te tala ‵lei (11)

    • Tāgata kolā e fai pelā me ne meaalofa (18)

    • ‘E tauave ne Ieova ‵tou amoga i aso takitasi’ (19)

Ki te takitaki o te kau fai pese.Ko te salamo a Tavita. Se pese. 68  Ke tu aka a te Atua, ke salalau atu ana fili,Kae ko latou kolā e takalia‵lia ki a ia ke ‵tele kea‵tea mai i ana mua.+   E pelā mo te au e agina ne te matagi, ke afuli foki ne koe latou kea‵tea;E pelā mo gako e liuvai i mua o te afi,Ke penā foki te ‵mate o tino amio ma‵sei i mua o te Atua.+   Kae ke fia‵fia a tino amio‵tonu;+Ke fia‵fia malosi latou i mua o te Atua;Ke ‵lifu kae fia‵fia latou.   Usu a pese ki te Atua; usu a pese o vikiga ki tena igoa.+ Usu a pese ki te Atua telā e tele i loto i te toafa laugatasi.* Ko Ioa* tena igoa!+ Ke fia‵fia i ana mua!   Ko te tamana o tama‵liki e seai ne tamana mo te tino e puipui ne ia a fāfine ko ‵mate olotou avaga+Ko te Atua telā e nofo i tena koga ‵malu.+   E tuku atu ne te Atua ki a latou kolā e ‵nofo taki tokotasi se fale ke nofo i ei;+E ‵taki ne ia ki tua a pagota ki te manuia.+ Kae ko te tino loto makeke* e ‵tau o nofo i te laukele malō.+   Te Atua, i te taimi ne ‵taki ei ne koe ou tino,+I te taimi ne olo atu ei koutou i loto i te toafa, (Selā)   Ne galulu te lalolagi;+Ne ‵ligi ifo ne te lagi a te vaiua ona ko te Atua;A te Sinai tenei ne galulu ona ko te Atua, te Atua o Isalaelu.+   Ne fai ne koe ke ‵to malosi te vaiua, e te Atua;Ne fakamalosi ne koe ou tino* kolā ko fi‵ta. 10  Ne ‵nofo latou i ou faleie;+I tou aga‵lei, ne tuku atu ne koe a mea mō tino ma‵tiva, e te Atua. 11  E tuku atu ne Ieova te fakatonuga;A fāfine kolā e folafola atu ne latou te tala ‵lei se kautau lasi.+ 12  A tupu o kautau e ‵tele kea‵tea,+ e ‵tele kea‵tea latou! A te fafine telā e nofo i te fale e maua ne ia a mea ne maua mai i te taua.+ 13  E tiga eiloa a koutou e tāgata ne takato‵kato i tafa o te afi,*Ka isi se lupe mo ana kapakau e ufi ki siliva i konā, Mo ana fulufulu ki aulo ‵lei.* 14  I te taimi ne fakasalalau atu ei ne te Atua Malosi Katoatoa ana tupu,+Ne ‵to te kiona i Salimona.* 15  A te mauga o Pasana+ se mauga o te Atua;*A te mauga o Pasana se mauga maluga. 16  Kaia e ‵kilo atu ei koutou mo te kai‵sano e mauga ma‵luga,Ki te mauga telā ko oti ne filifili ne te Atua mo ana nofo?+ E tonu, a Ieova ka nofo i konā ki te se-gata-mai.+ 17  A kaliota tau a te Atua e lau i se fia sefuluafe, e afe mo afe.+ A Ieova ne vau mai Sinai ki loto i te koga tapu.+ 18  Ne fanaka koe ki luga;+Ne ave ne koe a pagota;Ne ave ne koe a tāgata e pelā me ne meaalofa,+Ao, ke oko ki tino loto ma‵keke,+ ke ‵nofo mo latou, e Ioa te Atua. 19  Ke vikia a Ieova, telā e tauave ne ia ‵tou amoga i aso takitasi,+Ko te Atua tonu o ‵tou fakaolataga. (Selā) 20  A te Atua tonu ki a tatou ko te Atua telā e faka‵sao ne ia a tino;+Kae ko Ieova te Aliki Sili e tuku mai ne ia te auala ke ‵sao ei mai te mate.+ 21  Ao, ka tuki ne te Atua a ulu o ana fili ke ma‵fa,Ko te ulu o so se tino telā e tumau* i te faiga o te agasala.+ 22  Ne fai aka a Ieova: “Ka toe faka‵foki mai ne au a latou mai i Pasana;+Ka toe faka‵foki mai ne au a latou mai koga ‵poko o te tai, 23  Ko te mea ke ‵fulu otou vae i toto+Kae ko alelo o otou kuli ke maua olotou tusaga mai te fili.” 24  E lavea ne latou tau solo o te manumalo, e te Atua,Ko te solo o te manumalo o toku Atua, toku Tupu, ki loto i te koga tapu.+ 25  A tino usuusu e sa‵sale i mua, a tino tā‵tā kitala e olo atu i olotou tua;+Kae i te va o latou ko tamafine kolā e fakatagi‵tagi a samupelini.+ 26  ‵Viki atu ki te Atua i loto i te fakapotopotoga o tino;Ke vikia Ieova, a koe telā ne vau mai te Mafuaga o Isalaelu.+ 27  I konā a Peniamina,+ te toekimuli, e manumalo i a latou,E pelā foki mo pelenise o Iuta mo te lotou potukau logoa,Ko te pelenise o Sepulona, te pelenise o Nafatali. 28  Ko oti ne fai te fakatonuga a tou Atua me i a koe ka malosi. Fakaasi mai tou malosi, e te Atua, ko koe telā ne gasuesue ona ko matou.+ 29  Ona ko tou faletapu i Ielusalema,+Ka aumai ne tupu a meaalofa ki a koutou.+ 30  ‵Liko atu a manu fe‵kai i lalo o mouku ‵loa,Ko te fakapotopotoga o pulumakau tāgata+ mo olotou tamā pulumakau,Ke oko ki te taimi e aumai* ei a siliva ne tino e ifo ki lalo. Kae e fakasalalau ne ia a tino kolā e fia‵fia ki taua. 31  A mea e faite ki palasi ka aumai mai Aikupito;+A Kusi ka se fia tuku atu ne ia a meaalofa ki te Atua. 32  A koutou e malo o te lalolagi, usu atu a pese ki te Atua,+Usu a pese o vikiga ki a Ieova, (Selā) 33  Ki te tino telā e tele i te lagi o lagi mai aso mua.+ Kiloke! A tena leo e ‵gulu pelā me se fa‵tili, ko tena leo malosi. 34  Fakailoa atu a te malosi o te Atua.+ A tena fakaofoofogia ko i luga i Isalaelu,Kae ko tena malosi ko nofo i loto i kaumana. 35  A te Atua e fakaofoofogia mai tena koga tapuaki sili.+ A ia ko te Atua o Isalaelu,Telā e tuku atu ne ia te malosi mo te ‵mana ki tino.+ ‵Viki atu ki te Atua.

Fakamatalaga mai lalo

Io me kāti “i luga i kaumana.”
A “Ioa” ko te fakatoetoega o te igoa o Ieova.
Io me “‵teke.”
Epelu, “tofi.”
Io me kāti, “te lulu mamoe.”
Io me “lanu segasega kae lanu launiu.”
Io me “E fai pelā me ne ‵to te kiona i Salimona.”
Io me “se mauga fakaofoofogia.”
Io me “sasale valevale.”
Io me kāti, “lakalaka ki lalo.”