Salamo 63:1-11

  • Te manako malosi ki te Atua

    • “E ‵lei atu tou alofa fakamaoni i lō te ola” (3)

    • “Ko lotomalie ki te ‵toe vaega ‵lei” (5)

    • Mafaufau ‵loto ki te Atua i te po (6)

    • ‘Au e ‵piki ‵mau ki te Atua’ (8)

Ko te pese a Tavita, i te taimi ne nofo ei a ia i te koga lavaki o Iuta.+ 63  Te Atua, a koe ko toku Atua, e salasala faeloa au ki a koe.+ Au e manako malosi ki a koe.+ Au ko matapo i te manako malosi ki a koeI se laukele telā e malō pakupaku kae seai ne vai i ei.+   Tela la, au ne kilo atu ki a koe i te koga tapu;Ko oti ne lavea ne au tou malosi mo tou ‵malu.+   Me e ‵lei atu tou alofa fakamaoni i lō te ola,+A oku laugutu ka ‵viki atu ki a koe.+   Tela la, ka vikia ne au koe i toku olaga kātoa;Ka sisi aka ne au oku lima i tou igoa.   Au ko lotomalie ki te ‵toe vaega ‵lei kae gali,Tela la, ka vikia koe ne toku gutu fakatasi mo te fiafia i oku laugutu.+   E masaua ne au koe i luga i toku moega;E mafaufau ‵loto au ki a koe i taimi ‵tu o te po.+   Me i a koe ko toku fesoasoani,+Kae e kalaga au mo te fiafia i te malūga o ou kapakau.+   Au e ‵piki ‵mau ki a koe;A tou lima fakaatamai e puke ‵mautakitaki ki a au.+   Kae ko latou kolā e taumafai o fakamasei toku ola*Ka olo ifo ki koga ‵poko o te lalolagi. 10  Ka tuku atu latou ki te malosi o te pelu;Ka fai latou mo meakai a tiakolo.* 11  Kae ko te tupu ka fiafia i te Atua. So se tino e fai tena tautoga e auala i a Ia ka fiafia,*Me ka fakafilemu eiloa a gutu o tino e fai‵pati ki te loi.

Fakamatalaga mai lalo

Io me “tamate au.”
Io me “alope.”
Io me “faipati fakamatamata.”