Salamo 62:1-12

  • A te fakaolataga tonu e maua mai i te Atua

    • “E faka‵tali au mo te filemu ki te Atua” (1, 5)

    • ‘‵Ligi ki tua a mea i otou loto ki mua o te Atua’ (8)

    • A tino se mānavaga fua (9)

    • Sa tali‵tonu ki koloa (10)

Ki te takitaki o te kau fai pese; o Ietutunu.* Ko te pese a Tavita. 62  E tonu, e faka‵tali au mo te filemu ki te Atua. A toku fakaolataga e maua mai i a ia.+   E tonu, a ia ko toku kaupapa mo toku fakaolataga, ko toku lafiga tokagamalie;+Ka se mafai eiloa au o fakagasuesue malosi.+   E pefea te leva ka taua atu ei koutou ki se tagata ke tamate a ia?+ A koutou katoa ko fakama‵taku e pelā eiloa mo se ‵pui telā ko pale feitu tasi, se ‵pui fatu telā ko pili o maofa ki lalo.   Me fai‵pati fakatasi latou ke tapale kea‵tea a ia mai tena tulaga maluga;E fia‵fia latou ki te loi. E fakamanuia atu latou mai i olotou gutu, kae i loto i a latou e fakamalaia atu.+ (Selā)   E tonu, e faka‵tali au mo te filemu ki te Atua+Me i toku fakamoemoega e maua mai i a ia.+   E tonu, a ia ko toku kaupapa mo toku fakaolataga, ko toku lafiga tokagamalie;Ka se mafai eiloa au o fakagasuesue.+   A toku fakaolataga mo toku ‵malu e fakalagolago ki luga i te Atua. A toku kaupapa malosi, toku lafiga, ko te Atua.+   Tali‵tonu ki a ia i taimi katoa, e tino. ‵Ligi atu ki tua a mea i otou loto ki ana mua.+ A te Atua ko te lafiga o tatou.+ (Selā)   A tama a tāgata se mānavaga fua,A tama tāgata a tino se manatu sē tonu.+ Kafai ko tuku tasi i luga i se fua, e mā‵ma atu latou i lō te mānavaga.+ 10  Sa tali‵tonu ki mea ne ‵fao maiIo me fakamoemoe ki mea ne kaisoa. Kafai ko gasolo aka o uke otou koloa, sa tuku otou loto ki ei.+ 11  A te Atua ne faipati fakatasi, kae ne lagona fakalua ne au a te mea tenei: Me i te malosi i o te Atua.+ 12  A te alofa fakamaoni foki i o koe, e Ieova,+Me e toe ‵togi atu ne koe ki tino taki tokotasi e ‵tusa mo olotou mea e fai.+

Fakamatalaga mai lalo

Onoono ki te FP.