Salamo 6:1-10

  • Se fakatagi mō se taliaga

    • E se tavae atu a tino ‵mate ki te Atua (5)

    • E lagona ne te Atua a fakatagi mō se taliaga (9)

Ki te takitaki o te kau fai pese; fakatasi mo kitala kae ne tiuni ki te Seminita.* Ko te pese a Tavita. 6  Ieova, sa polopoloki ‵mafa ne koe au i tou kaitaua,Kae sa fakatonutonu ne koe au i tou ita.+   Ke na talia mai au,* e Ieova, me i a au ko gasolo o vāivāi. Faka‵lei aka au, e Ieova,+ me i oku ivi ko pole‵pole.   Ao, ko oko eiloa au i te sē nofo ‵toka,+Kae e fakamolemole atu au, e Ieova​—ka pefea te leva o te mea nei?+   Foki mai, e Ieova, kae fakasao au;+Fakasao au ona ko tou alofa fakamaoni.+   Me i tino ‵mate e se takutaku* ne latou a koe;Ko oi ka tavae atu ki a koe i te Tanuga?*+   Au ko gasolo o fi‵ta ona ko toku mānava fi‵ta;+I te po kātoa ne ufi ne au toku moega ki loimata;*Ne fakalofia ne au toku moega ki te tagi.+   A toku mata ko vāivāi ona ko toku fanoanoa;+Ko se ‵kite ‵lei* ona ko latou katoa kolā e fakalavelave mai ki a au.   Olo kea‵tea mai i a au, koutou katoa kolā e fai amioga ma‵sei,Me ka lagona ne Ieova a te leo o toku tagi.+   A Ieova ka lagona ne ia taku fakatagi mō se taliaga;+Ka talia eiloa ne Ieova a taku ‵talo. 10  A oku fili katoa ka fakamasiasigina kae fanoa‵noa;Ka toe ‵foki latou ki tua mo te masiasi.+

Fakamatalaga mai lalo

Onoono ki te FP.
Io me “alofa fakamagalo.”
Io me “masaua.”
Io me “Seoli,” telā ko te tanuga masani o tino. Onoono ki te FP.
Epelu, “fai ke koukou toku moega.”
Io me “gasolo o matua.”