Salamo 58:1-11

  • E isi se Atua telā e fakamasino ne ia te lalolagi

    • Se ‵talo ke fakasala a tino amio ma‵sei (6-8)

Ki te takitaki o te kau fai pese; ne fai ki te “Sa Fakamaseigina.”Ko te salamo a Tavita. Mikitamu.* 58  E mafai ne koutou o fai‵pati e uiga ki te amiotonu i te taimi e ‵nofo filemu ei koutou?+ E mafai ne koutou o fakamasino mo te fai mea tonu, koutou e tama a tāgata?+   I lō te fai penā, e mafau‵fau koutou ki te sē amiotonu i otou loto,+Kae fakaoko atu ne otou lima a fakasauaga i te fenua.+   A tino amio ma‵sei e takasēsē kea‵tea mai te fa‵naumaiga;*A latou ne tino matagā kae ‵loi mai te taimi ne fa‵nau mai ei.   A te lotou poisini e ‵pau mo te poisini o gata;+E ‵tuli olotou taliga e pelā mo te gata telā e ‵pono ana taliga.   E se fakalogologo ki te leo o tino faka‵lata gata,Faitalia me pefea te ‵lei o olotou pati ‵lau.   Te Atua, fusu atu olotou nifo ke ‵to mai olotou gutu! ‵Fati atu a kauvae o leona konei, e Ieova!   Ke ‵galo atu latou e pelā me ne vai kolā ko ‵sali kea‵tea. Ke ofe ne Ia tena kausana kae fai latou ke ‵siga i ana matasana.   Ke fai latou e pelā me se sipō telā ko pili o mate;*E pelā mo te tama a se fafine e fanau mai ko mate, e se lavea ne ia te la.   Koi tuai o lagona ne otou ulo tunu meakai a te ‵vela o te lakau talatala,Ka ‵teu kea‵tea ne ia a te kaula telā koi ‵mata mo te kaula telā e ‵ka, e pelā eiloa me se kaumatagi.+ 10  A te tino amiotonu ka fiafia me ko lavea ne ia te taui ma sui;+Ana vae ka ‵fonu eiloa i toto o tino amio ma‵sei.+ 11  Tenā ko fai mai ei a tāgata: “E mautinoa me e isi eiloa se taui o tino amio‵tonu.+ E isi eiloa se Atua telā e fai ne ia te fakamasinoga i te lalolagi.”+

Fakamatalaga mai lalo

Onoono ki te FP.
Epelu, “mai te moegatama.”
Epelu, “liua.”