Salamo 57:1-11

  • Se fakatagi mō se taliaga

    • Ke faka‵lafi i lalo i kapakau o te Atua (1)

    • Ko ‵to atu a fili ki loto eiloa i olotou malei (6)

Ki te takitaki o te kau fai pese; ne fai ki te “Sa Fakamaseigina.” Ko te salamo a Tavita. Mikitamu.* I te taimi ne tele kea‵tea ei a ia mai i a Saulo ki loto i te ana.+ 57  Ke na talia mai au, e te Atua, ke na talia mai au,Me i a au e faka‵lafi ki a koe,+Kae i lalo i te malūga o ou kapakau e faka‵lafi ei au ke oko ki te taimi ko ‵galo atu ei a fakalavelave.+   E kalaga atu au ki te Atua Tafasili i te Maluga,Ki te Atua tonu, telā e fakagata ne ia a mea konā ona ko au.   Ka aumai ne ia te fesoasoani mai te lagi kae fakasao au.+ Ka faka‵numi ne ia a te tino telā e taua mai ki a au. (Selā) Ka fakaasi mai ne te Atua a tena alofa fakamaoni mo tena fakamaoni.+   Au ko sikomia ne leona;+E ‵tau mo au o takato i va o tāgata kolā e ma‵nako o fakaseai au,A olotou nifo ne tao mo matasanaKae ko olotou alelo ne pelu mata ‵kai.+   Ke fakamaluga aka koe ke maluga atu i te lagi, e te Atua;Ke oko atu tou ‵malu ki te lalolagi kātoa.+   Ko oti ne fakatoka ne latou se tili ke malei ei oku vae;+Au ko ifo ki lalo mo te puapuaga.+ Ko oti ne keli ne latou se lua i oku mua,Kae ko latou eiloa ne ‵to ki loto i ei.+ (Selā)   A toku loto e ‵mautakitaki, e te Atua+A toku loto e ‵mautakitaki. Ka usu atu au kae fai a pese fakatagi‵tagi.   Ala mai, e toku ‵malu. Ala mai, e mea fakatagi‵tagi e isi ne uka i ei; koe foki e te kitala. Ka ‵fagu ne au a te vaveao.+   Ka ‵viki atu au ki a koe i mua o tino, e Ieova;+Ka usu ne au a vikiga ki a koe i mua o atufenua.+ 10  Me i tou alofa fakamaoni e lasi, e maluga e pelā mo te lagi,+Kae ko tou fakamaoni e oko atu eiloa ki kaumana. 11  Ke fakamaluga aka koe ke maluga atu i te lagi, e te Atua;Ke oko atu tou ‵malu ki te lalolagi kātoa.+

Fakamatalaga mai lalo

Onoono ki te FP.