Salamo 55:1-23

  • Se ‵talo māfai ko fakatogafiti ne se taugasoa

    • Ne fakaitaita ne se taugasoa pili (12-14)

    • “‵Pei atu tau amoga ki a Ieova” (22)

Ki te takitaki o te kau fai pese; fakatasi mo kitala. Masekila.* Ko te salamo a Tavita. 55  Fakalogo mai ki taku ‵talo, e te Atua,+Kae ke mo a ma se saga mai koe ki taku fakatagi mō te alofa fakamagalo.*+   Saga tonu mai ki a au kae tali mai ki a au.+ A toku manavase e fai ei au ke se tō taku nofo,+Kae ko se iloa ne au o fai se mea   Ona ko pati e fai mai ne te filiMo fakamalosiga mai te tino amio masei. Me fakaputu mai ne latou a fakalavelave ki luga i a au,Kae ona ko te kaitāua e ita fakamoe‵moe latou ki a au.+   A toku loto ko oko eiloa i te tigaina,+Kae ko te mataku i te mate ko fai ei au ke manavase.+   A te mataku mo te polepole ko oko mai ki luga i a au,Kae ko polepole malosi au.   E fai aka faeloa au: “Aku muna loa ke isi ne oku kapakau e pelā me se lupe! Ka eva atu au kea‵tea o nofo i se koga e saogalemu.   Kiloke! Au ka tele ke ‵mao kea‵tea.+ Au ka nofo i te koga lavaki.+ (Selā)   Au ka tele fakavave atu ki se koga o fakamalu i eiKea‵tea mai te matagi malosi, kea‵tea mai te afā.”   Faka‵numi atu latou, e Ieova, kae fakalavelave atu olotou palani,*+Me ko oti ne lavea ne au a fakasauaga mo kinauga i loto i te fakai. 10  I te ao mo te po e sa‵sale fakatamilo latou i luga i ana ‵pui;Kae e maua i loto i ei te loto masei mo te faka‵tupu fakalavelave.+ 11  A te fakamaseiga ko maua eiloa i loto i a ia;A fakasauaga mo te loi e se mafai o olo kea‵tea mai te malae o te fakai.+ 12  Me e se ko te fili e fakaitaita mai ki a au;+Moi fai penā e mafai ne au o fa‵ki. E se ko te fili e ‵teke mai ki a au; Moi fai penā e mafai au o ‵muni mai i a ia. 13  Kae ko koe eiloa, se tagata e pelā mo au,*+Ko toku taugasoa telā e iloa ‵lei ne au.+ 14  Ne maua ne tāua se va fakataugasoa gali;Ne olo fakatasi sāle tāua ki loto i te fale o te Atua mo tino e tokouke. 15  Ke oko atu eiloa ki a latou te fakamaseiga!+ Tuku ola atu latou ke olo ifo ki te Tanuga;*Me i mea matagā e ‵nofo mo latou kae maua atu foki i loto i a latou. 16  E pelā mo au, ka kalaga atu au ki te Atua,Kae ka fakasao au ne Ieova.+ 17  I te afiafi mo te tafataeao mo te tutonu, e se nofo ‵toka au kae tagi fanoanoa au,+Kae e lagona ne ia toku leo.+ 18  Ka fakasao ne ia au kae tuku mai ki a au te filemu mai i a latou kolā e taua mai ki a au,Me e tokouke a tino e ‵teke mai ki a au.+ 19  Ka lagona ne te Atua kae tali atu ki a latou,+Ko te tino telā e sagasaga i te nofogaaliki mai aso mua eiloa.+ (Selā) Ka ita latou ma ‵fuli,Ko latou kolā e se ma‵taku ki te Atua.+ 20  Ne taua atu a ia* ki a latou kolā e maua se va filemu mo ia;+Ne ofa ne ia tena feagaiga.+ 21  Ana pati e ‵mole atu i pata,+Kae ko kinauga e ‵nofo i tena loto. Ana pati e ma‵lū atu i sinu, Kae ne pelu mata ‵kai eiloa.+ 22  ‵Pei atu tau amoga ki a Ieova,+Kae ka tausi ne ia koe.+ Ka se talia eiloa ne ia se tino amiotonu ke siga.*+ 23  Kae ko koe, e te Atua, ka tuku ifo ne koe latou ki lalo i te ‵toe lua ‵poko.+ A latou kolā e agasala i te fakamaligi toto mo tāgata ‵loi ka se oko ki te kogaloto o olotou olaga.+ Kae pelā mo au, ka talitonu au ki a koe.

Fakamatalaga mai lalo

Onoono ki te FP.
Io me “Kae sa ‵muni māfai e ‵talo atu au mō se fesoasoani.”
Epelu, “vaevae olotou alelo.”
Io me “se tagata, te tino e ‵pau mo au.”
Io me “Seoli,” telā ko te tanuga masani o tino. Onoono ki te FP.
Telā ko te taugasoa muamua telā e faipati ki ei te fuaipu e 13 mo te 14.
Io me “takasēsē.”