Salamo 53:1-6

  • Ko fakaasi mai a tino va‵lea

    • “E seai se Ieova” (1)

    • “E seai se tino e fai ne ia te mea ‵lei” (3)

Ki te takitaki o te kau fai pese; i te faifaiga ko te Mahalata.* Masekila.* Ko te salamo a Tavita. 53  E fai aka te tino valea i tena loto: “E seai se Ieova.”+ A olotou faifaiga sē amio‵tonu e piko‵piko kae fakatakalia‵lia;E seai se tino e fai ne ia te mea ‵lei.+   Kae e kilo ifo te Atua mai te lagi ki tama a tāgata+Ke onoono aka me e isi se tino e ‵loto tena malamalama, io me e isi se tino e salasala ki a Ieova.+   A latou katoa ko oti ne ‵fuli kea‵tea;E ‵pau katoa latou i te fai mea piko‵piko. E seai se tino e fai ne ia te mea ‵lei,E seai eiloa se tino.+   E a, e seai se tino fai mea ‵se e malamalama? E fakaseai katoatoa ne latou oku tino e pelā eiloa me e ‵kai latou ki falaoa. E se ka‵laga atu latou ki a Ieova.+   Kae ka ‵fonu eiloa latou i te ma‵taku,Ko te mataku telā e seki oko aka eiloa ki a latou muamua,*Me ka laku tatela ne te Atua a ivi o latou kolā e taua atu ki a koe. Ka fakamasiasi ne koe latou, me i a Ieova e ‵teke ki a latou.   A te fakaolataga o Isalaelu ke vau eiloa mai i Siona!+ Kafai ko toe fakamaopoopo mai ne Ieova ana tino kolā ne ave fakapagota,Ke fiafia eiloa a Iakopo, ke ‵lifu a Isalaelu.

Fakamatalaga mai lalo

Onoono ki te FP.
Onoono ki te FP.
Io me kāti, “Ko te mataku i te mea telā e se ‵tau o mataku ki ei.”