Salamo 52:1-9
Ki te takitaki o te kau fai pese. Masekila.* Ko te salamo a Tavita, i te taimi ne vau ei a Toeka te tino Etoma kae fai atu ki a Saulo i a Tavita ne fanatu ki te fale o Aimeleka.+
52 Kaia e faipati fakamatamata ei koe e uiga ki au faifaiga matagā, e te tino mafi?+
A te alofa fakamaoni o te Atua e tumau i te aso kātoa.+
2 A tou alelo telā e ‵kai pelā me se mata‵vele,+E faitogafiti kae fakaloiloi.+
3 E fiafia malosi atu koe ki te mea matagā i lō te mea ‵lei,E sili atu tou loi i lō te faipati ki te mea tonu. (Selā)
4 E fiafia koe ki so se pati fakalogo‵mae,A koe e te alelo fakaloiloi!
5 Tenā te pogai ka futi ifo ei koe ne te Atua i te taimi eiloa e tasi mō taimi katoa;+Ka ‵fao ne ia koe kae ‵sae kea‵tea koe mai tou faleie;+Ka unu kea‵tea ne ia koe mai te fenua o tino ola.+ (Selā)
6 A tino amio‵tonu ka lavea ne latou a te mea tenā kae ofo malosi,+Kae ka ‵kata latou ki a ia.+
7 “Tenei te tagata e seki fai ne ia te Atua mo fai tena lafiga,*+Kae ne talitonu a ia ki ana koloa e uke+Kae fakalagolago ki ana togafiti matagā.”
8 Kae ka fai au pelā me se lakau olive ola ‵lei i te fale o te Atua;Au e talitonu ki te alofa fakamaoni+ o te Atua, ki te se-gata-mai, se-gata-mai eiloa.
9 Ka tavae ne au koe ki te se-gata-mai me i a koe ne gasuesue;+I mua o ou tino fakamaoni,Ka fakamoemoe au ki tou igoa,+ me e ‵lei.
