Salamo 51:1-19

  • Se ‵talo a se tino ko salamō

    • Ne agasala mai te fanaumaiga (5)

    • ‘Faka‵ma aka au mai taku agasala’ (7)

    • “Faite i loto i a au se loto ‵ma” (10)

    • A te Atua e fiafia ki te loto telā ko fatifati (17)

Ki te takitaki o te kau fai pese. Ko te pese a Tavita, i te taimi ne vau ei te pelofeta ko Natano ki a ia i te otiga ne ‵moe a Tavita mo Patisepa.+ 51  Ke na talia mai au, e te Atua, e ‵tusa mo tou alofa fakamaoni.+ ‵Solo kea‵tea aku amioga solitulafono e ‵tusa mo te lasi o tou alofa fakamagalo.+   ‵Fulu ke ‵ma katoatoa au mai taku mea ‵se,+Kae faka‵ma au mai taku agasala.+   Me iloa ‵lei ne au aku amioga solitulafono,Kae e tu faeloa taku agasala i oku mua.*+   Au ko oti ne agasala ki a koe;+A te mea masei i tau kilokiloga ko oti ne fai ne au.+ Ko te mea ke fakatalitonu aka i a koe e amiotonu i te taimi e faipati ei koeKae e tonu foki eiloa tau fakamasinoga.+   Kiloke! Au ne fanau mo te agasala,Kae ne fakafua au ne toku mātua i loto i te agasala.*+   Kiloke! E maua ne koe te fiafia ki te munatonu i te loto;+Akoako mai toku loto ki te poto tonu.   Faka‵ma aka au ki te isopo, ko te mea ke ‵ma au mai taku agasala;+‵Fulu aka au, ko te mea ke ‵kena atu au i te kiona.+   Fai ke lagona ne au a leo o te fiafia mo te ‵lifu,Ko te mea ke fia‵fia a ivi kolā ne tuki pala ne koe.+   ‵Fuli kea‵tea ou mata mai aku agasala,+Kae ‵solo kea‵tea aku mea ‵se katoa.+ 10  Faite i loto i a au se loto ‵ma, e te Atua,+Kae tuku ki loto i a au se agaga fou,+ telā e ‵mautakitaki. 11  Sa ‵pei au kea‵tea mai i ou mua;Kae sa ave kea‵tea tou agaga tapu mai i a au. 12  Toe fakafoki mai ki a au te fiafia o tou fakaolataga;+Fakamalosi aka i loto i a au te loto fiafia o fakalogo ki a koe.* 13  Ka akoako ne au ou auala ki tino solitulafono,+Ko te mea ke toe ‵foki mai a tino agasala ki a koe. 14  Fakasao mai au mai te fakamaligi toto,+ e te Atua, te Atua o toku fakaolataga,+Ko te mea ke folafola atu ne au mo te fiafia a tou amiotonu.+ 15  Ieova, ‵tala aka oku laugutu,Ko te mea ke folafola atu ne toku gutu ou vikiga.+ 16  Me i a koe e se manako ki se taulaga—moi penei ko oti ne tuku atu ne au;+E se fiafia koe ki te taulaga ‵sunu kātoa.+ 17  A taulaga kolā e fiafia ki ei te Atua e fai mo te loto salamō;A te loto telā ko fatifati kae tuki palapala, e te Atua, ka se ‵teke ne koe.+ 18  Mai tou loto ‵lei ke fai la te mea ‵lei ki Siona;Faite aka a ‵pui o Ielusalema. 19  Tenā ka fiafia ei koe ki taulaga o te amiotonu,Ko taulaga ‵sunu mo taulaga kātoa;Tenā ko ofo atu ei a pulumakau tāgata i luga i tau fatafaitaulaga.+

Fakamatalaga mai lalo

Io me “i toku mafaufau.”
Io me “Kae ne agasala talu mai te taimi ne fakafua ei au ne toku mātua.”
Epelu, “Ke ‵lago mai koe ki a au fakatasi mo te agaga o te loto fiafia.”