Salamo 50:1-23

  • E fakamasino ne te Atua a tino amio‵tonu mo tino amio ma‵sei

    • Te feagaiga a te Atua e auala i se taulaga (5)

    • “I te Atua ko te Famasino” (6)

    • I manu katoa i a te Atua (10, 11)

    • E tuku faka‵sau atu ne te Atua a tino amio ma‵sei (16-21)

Ko te pese a Asafo.+ 50  A te Atua o atua, ko Ieova,*+ ne faipati;E ‵kami ne ia te lalolagiMai te saega o te la ke oko eiloa ki te taimi e tō i ei.*   Mai i Siona, te katoatoaga o te gali,+ ne maina mai ei a te Atua.   A te ‵tou Atua ka vau kae e se mafai o nofo filemu.+ E isi se afi ‵ka i ana mua,+Kae ko te afā lasi e fakatamilo i a ia.+   E ‵kami ne ia te lagi i luga mo te lalolagi,+Ko te mea ke fakamasino ana tino:+   “Fakamaopoopo mai ki a au oku tino a‵lofa fakamaoni,Ko latou kolā e fai feagaiga mo au e auala i se taulaga.”+   E folafola mai ne te lagi a tena amiotonu,Me i te Atua ko te Famasino.+ (Selā)   “Faka‵logo mai e oku tino, kae ka faipati atu au;Isalaelu, ka molimau au e uiga ki a koe.+ Au ko te Atua, tou Atua.+   E se polopoloki ‵mafa ne au koe ona ko au taulaga,Io me ko au taulaga ‵sunu kātoa kolā e ofo mai faeloa i oku mua.+   E se manakogina ke puke ne au se pulumakau tagata mai tou fale,Io me ne kouti* mai i au lulu.+ 10  Me i manu katoa o te vao i a aku,+Ke oko eiloa ki manu fe‵kai i luga i mauga e afe. 11  E iloa ne au a manu eva katoa o mauga;+A manu e uke o te laukele i a aku. 12  Kafai au e fiakai, e se fai atu ne au ki a koe,Me i te laukele ola ‵lei mo mea katoa i luga i ei i a aku.+ 13  E a, ka kai ne au a ‵kano o pulumakau tāgataKae inu ki toto o kouti?+ 14  Ofo atu a taulaga fakafetai e pelā me ko tau taulaga ki te Atua,+Kae fakataunu au tautoga ne fai ki te Atua Tafasili i te Maluga;+ 15  Kalaga mai ki a au i te taimi o puapuaga.+ Ka fakasao ne au a koe, kae ka faka‵malu ne koe au.”+ 16  Kae ko te Atua ka fai atu ki tino amio ma‵sei: “Ko oi ne tuku atu ne ia te saolotoga ki a koutou ke fakamatala aku tulafono fo‵liki+Io me fai‵pati e uiga ki taku feagaiga?+ 17  Me i a koe e takalialia ki polopolokiga,*Kae ‵fuli mai faeloa tou tua ki aku pati.*+ 18  Kafai e lavea ne koe se tino kaisoa, e talia ne koe a ia,*+Kae e ‵kau fakatasi koe mo tino mulilua. 19  E fakaaoga ne koe tou gutu ke fakasalalau atu a mea ma‵sei,Kae ko te loi ko oti ne faka‵piki ki tou alelo.+ 20  E sagasaga koe kae fatufatu tou taina;+ E fakaasi atu ne koe a mea ‵se a* te tama tagata a tou mātua. 21  I te taimi ne fai ei ne koe a mea konei, au ne nofo filemu,Tela la, ne mafaufau koe me ka ‵pau eiloa au mo koe. Kae nei la, ka polopoloki ‵mafa ne au koe,Kae fai ne au taku tagi e uiga ki a koe.+ 22  Fakamolemole mafaufau ki te mea tenei, a koe telā ko puli i a koe te Atua,+Ko te mea ke se saesae likiliki ne au koe kae seai se tino e fakasao ne ia koe. 23  A te tino telā e ofo atu ne ia a taulaga fakafetai e pelā me ko tena taulaga e faka‵malu ne ia au,+Kae pelā mo te tino telā e tautali i te auala tonu,Ka fai ne au ke lavea ne ia a te fakaolataga a te Atua.”+

Fakamatalaga mai lalo

Io me “Te Atua Tokotasi, te Atua, ko Ieova.”
Io me “Mai saegala ki togala.”
Epelu, “kouti tāgata.”
Io me “fakatonuga.”
Epelu, “e peipei aku pati ki ou tua.”
Io me kāti, “e kau atu koe ki a ia.”
Io me “fakamasei.”