Salamo 5:1-12
Ki te takitaki o te kau fai pese o Neilota.* Ko te pese a Tavita.
5 Fakalogo mai ki aku pati, e Ieova;+Saga tonu mai ki toku mānava fi‵ta.
2 Saga mai ki taku tagi mō se fesoasoani,E toku Tupu mo toku Atua, me i a au e ‵talo atu ki a koe.
3 Ieova, ka lagona ne koe toku leo i te tafataeao;+I te tafataeao ka fakaasi atu ne au ki a koe+ a te mea e manavase au ki ei kae nofo fakatalitali au ki a koe.
4 Me i a koe e sē se Atua telā e fiafia ki amioga ma‵sei;+E seai se tino masei e mafai o tumau i a koe.+
5 E seai se tino e uiga fia sili e mafai o tu i ou mua.
E takalialia koe ki a latou katoa kolā e fai amioga ma‵sei;+
6 E fakaseai ne koe a latou kolā e fai‵pati ki te loi.+
E takalialia a Ieova ki tino amio fakasaua kae amio fakaloiloi.*+
7 Kae ka vau au ki loto i tou fale+ ona ko te lasi o tou alofa fakamaoni;+Ka ifo au ki lalo i tou faletapu ‵malu* i te mataku mo te āva ki a koe.+
8 Takitaki mai au, e Ieova, i tou amiotonu ona ko oku fili;Fai ke maina mai tou auala ki a au.+
9 Me seai se pati a latou e fai e fakatalitonugina;E seai ne mea i loto i a latou kae na ko te loto masei;
A olotou kato se tanuga e fakamaga ki luga;E tavae fakaloiloi* latou ki olotou alelo.+
10 Kae ka fakailoa atu ne te Atua i a latou e ‵se;Ka ‵siga eiloa latou i olotou togafiti.+
Ke ‵tuli kea‵tea latou ona ko te uke o olotou amioga solitulafono,Me ne ‵teke atu latou ki a koe.
11 Kae ko latou katoa kolā e faka‵lafi atu ki a koe ka fia‵fia;+Ka ka‵laga faeloa latou mo te fia‵fia.
Ka puipui ne koe latou,Kae ko latou kolā e a‵lofa ki tou igoa ka fia‵fia ona ko koe.
12 Me ka fakamanuia ne koe so se tino amiotonu, e Ieova;Ka fakatamilo ne koe latou ki tau taliaga e pelā eiloa me se talita lasi.+
Fakamatalaga mai lalo
^ Io me “se tagata fakamaligi toto kae fakaloiloi tino.”
^ Io me “koga tapuaki.”
^ Io me “E ‵mole olotou alelo.”
