Salamo 49:1-20

  • Te talitonu ki koloa se mea valea

    • E seai se tino e mafai o fakasao ne ia te suā tino (7, 8)

    • E faka‵sao ne te Atua a tino mai te Tanuga (15)

    • E se mafai ne koloa o fakasao se tino mai te mate (16, 17)

Ki te takitaki o te kau fai pese. Ko te salamo a tama tāgata a Kola.+ Se pese. 49  Faka‵logo mai ki te mea tenei, koutou e tino katoa. ‵Saga tonu mai, koutou e tino katoa kolā e ‵nofo i te lalolagi,*   Tino ma‵luga mo tino ma‵lalo,E pelā foki mo tino mau‵mea mo tino ma‵tiva.   A toku gutu ka faipati ki te poto,Kae ko mafaufauga o toku loto+ ka fakaasi atu i ei a te malamalama.   Ka saga tonu atu au ki se faigamuna;Ka fakamatala atu ne au taku tupua fakatasi mo te kitala.   Kaia e ‵tau ei au o mataku i taimi o fakalavelave,+I te taimi e sikomia ei au ne mea matagā* a latou kolā e taumafai o fakatakavale au?   A latou kolā e tali‵tonu ki olotou maumea+Kae fai‵pati fakamata‵mata e uiga ki olotou koloa e uke,+   E seai se tino i a latou e mafai o fakasao ne ia se tainaIo me tuku atu ki te Atua se togiola mō ia,+   (A te togiola o te lotou ola ko oko eiloa i te tāuaTela la, e se mafai o oko atu latou ki ei);   Ko te mea ke ola a ia ki te se-gata-mai kae e se lavea ne ia te lua.*+ 10  E lavea ne ia me i tino ‵poto e ‵mate foki;A tino va‵lea mo tino sē lava te faka‵tau e ‵mate fakatasi,+Kae e ‵tau o tuku atu ne latou olotou maumea ki nisi tino.+ 11  A te manakoga i olotou loto ko te mea ke tumau olotou fale ki te se-gata-mai,Mo olotou faleie ki kautama takitasi fakamuli. Ko oti ne fakaigoa ne latou olotou laukele ki olotou igoa. 12  Kae ko te tagata ka se tumau, faitalia me fakaaloalogina a ia;+E se sili atu a ia i manu fe‵kai kolā e ‵mate.+ 13  Tenei te auala o tino va‵lea+Mo latou kolā e tau‵tali i ei, kolā e fia‵fia ki olotou pati sē aoga. (Selā) 14  Ne ave latou e pelā me ne mamoe ki te Tanuga.* Ka leoleo latou ne te mate;A tino fai mea ‵tonu ka pule i a latou+ i te tafataeao. A mea katoa e uiga ki a latou ka ma‵tafi kea‵tea;+Ka fai a te Tanuga*+ mo fai te lotou fale kae e se ko te palesi.+ 15  Kae ko te Atua ka fakasao ne ia au mai te malosi* o te Tanuga,*+Me ka puke ‵mau ne ia au. (Selā) 16  Sa mataku māfai te tagata e fano o maumea,Māfai e gasolo aka o gali a tena fale, 17  Me kafai ko mate a ia e seai se mea e mafai o puke ne ia;+A tena gali ka se olo ifo mo ia ki lalo.+ 18  Me i te taimi e ola ei a ia, e fakamālō a ia ki a ia eiloa.+ (A tino ka tavae atu ki a koe māfai koe e manuia.)+ 19  Kae fakamuli loa ko ‵kau fakatasi a ia mo kautama o ana tupuga. Ka se toe lavea eiloa ne latou te mainaga. 20  A te tagata telā e se malamalama i te mea tenei, faitalia me fakaaloalogina a ia,+E se sili atu i manu fe‵kai kolā e ‵mate.

Fakamatalaga mai lalo

Io me “te fakanofonofoga o mea.”
Epelu, “mea ‵se.”
Io me “tanuga.”
Io me “Seoli,” telā ko te tanuga masani o tino. Onoono ki te FP.
Io me “Seoli,” telā ko te tanuga masani o tino. Onoono ki te FP.
Epelu, “lima.”
Io me “Seoli,” telā ko te tanuga masani o tino. Onoono ki te FP.