Salamo 48:1-14

  • Siona, te fakai o te Tupu Sili

    • Te fiafiaga o te lalolagi kātoa (2)

    • Iloilo aka te fakai mo ana taoa (11-13)

Se pese. Ko te pese a tama tāgata a Kola.+ 48  A Ieova e sili kae e ‵tau eiloa o avatu ki ei a vikigaI te fakai o te ‵tou Atua, i tena mauga tapu.   E gali tena maluga, ko te fiafiaga o te lalolagi kātoa,+Ko te Mauga o Siona telā e tu ‵mao i te feitu ki mātū,Ko te fakai o te Tupu Sili.+   I ana taoa ma‵losi,Ne fakailoa atu ne te Atua i a ia ko te lafiga tokagamalie.+   Kiloke! a tupu ko oti ne maopoopo;Ko olo fakatasi atu latou.   I te laveaga ne latou te fakai, ne ofo latou. Ne manava‵se latou kae ‵tele mo te ma‵taku.   Ne pole‵pole latou i te ma‵taku i konā,Ko ‵pau eiloa mo te tigaina o se fafine ko fanau.   E faka‵kasa ne koe a vakamutu o Talasisi ki te matagi mai saegala.   A te mea telā ne ‵logo matou i ei, ko lavea eiloa ne matou ki omotou mataI te fakai o Ieova o kautau, i te fakai o te ‵tou Atua. Ka faka‵mautakitaki ne te Atua a te mea tenā ki te se-gata-mai.+ (Selā)   Ne mafaufau ‵loto matou ki tou alofa fakamaoni, e te Atua,+I loto i tou faletapu. 10  E pelā mo tou igoa, e te Atua, a ou vikigaKo oko atu ki koga ‵mao o te lalolagi.+ A tou lima fakaatamai ko ‵fonu i te amiotonu.+ 11  Ke fiafia a te Mauga o Siona,+Ke fia‵fia a fakai fo‵liki* o Iuta, ona ko au fakamasinoga.+ 12  Māti fakatamilo i Siona; ke olo fakatamilo i ei;Kae lau aka ana taoa.+ 13  Tuku atu otou loto ki ana koga ma‵luga.*+ Iloilo aka ana taoa ma‵losi,Ko te mea ke mafai o fakamatala atu ne koe ki kautama o aso mai mua. 14  Me i te Atua tenei ko te ‵tou Atua+ ki te se-gata-mai, se-gata-mai eiloa. Ka takitaki ne ia tatou ki te se-gata-mai.*+

Fakamatalaga mai lalo

Epelu, “tama fāfine.”
Io me “‵pui ma‵losi.”
Io me kāti, “ki te taimi e ‵mate ei tatou.”