Salamo 47:1-9

  • Te Atua ko te Tupu i te lalolagi kātoa

    • ‘A Ieova e fakaofoofogia’ (2)

    • Usu atu a vikiga ki te Atua (6, 7)

Ki te takitaki o te kau fai pese. Ko te salamo a tama tāgata a Kola.+ Se pese. 47  Koutou e tino katoa, pati otou lima. Ka‵laga mo te manumalo ki te Atua mo te ‵tagi fia‵fia.   Me i a Ieova te Atua Tafasili i te Maluga e fakaofoofogia;+A ia ko te Tupu sili i te lalolagi kātoa.+   E fakatakavale ne ia a tino mai lalo i a tatou;E tuku ne ia a atufenua mai lalo i ‵tou vae.+   E filifili ne ia ‵tou tofi mō tatou,+Ko te mea telā e fakamatamata ki ei a Iakopo, te tino e alofa a ia ki ei.+ (Selā)   A te Atua ne fanaka kae ko tino e ka‵laga fia‵fia;A Ieova ne fanaka kae ko tino e fakatagi te pu.*   Usu atu a vikiga ki te Atua, usu atu a vikiga. Usu atu a vikiga ki te ‵tou Tupu, usu atu a vikiga.   Me i te Atua ko te Tupu o te lalolagi kātoa;+Usu atu a vikiga, kae fakaasi atu te ‵loto o te malamalama.   A te Atua ko oti ne fai mo Tupu i atufenua katoa.+ A te Atua e sagasaga i tena nofogaaliki ‵malu.   A takitaki o tino ko oti ne maopoopoFakatasi mo tino o te Atua o Apelaamo. Me i pule* o te lalolagi e o te Atua. Ko oti ne fakamaluga aka a ia ke maluga.+

Fakamatalaga mai lalo

Io me “te sau o te mamoe; pu.”
Epelu, “talita.”