Salamo 44:1-26

  • Se ‵talo mō se fesoasoani

    • “Ko koe ne fakaola ne koe matou” (7)

    • E pelā “me ne mamoe ko ave o tamate” (22)

    • “Tu aka e pelā me se tino fesoasoani o matou!” (26)

Ki te takitaki o te kau fai pese. Ko te salamo a tama tāgata a Kola.+ Masekila.* 44  Te Atua, ne lagona ne matou ki omotou taliga,Ne fakamatala mai ne omotou tupuga ki a matou,+A faifaiga ne fai ne koe i olotou aso,I aso ko ‵teka.   Ne afuli kea‵tea ne koe a atufenua ki tou lima+Kae faka‵nofo omotou tupuga i konā.+ Ne tuki pala ne koe a atufenua kae afuli kea‵tea.+   E se ko te lotou pelu ne puke ei mō latou te fenua,+Kae ne seki manumalo latou ona ko olotou lima.+ Kae ona ko tou lima fakaatamai mo tou malosi+ mo te mainaga mai ou mata,Me i a koe ne fiafia ki a latou.+   A koe ko toku Tupu, e te Atua;+Fakatonu* atu ke maua ne Iakopo te manumalo katoatoa.*   E auala i tou ‵mana ka afuli kea‵tea ei ne matou omotou fili;+E auala i tou igoa ka lakalaka ei ne matou a latou kolā e ‵tu aka o ‵teke mai ki a matou.+   Me i a au e se talitonu ki taku kausana,Kae ko taku pelu e se mafai o fakaola ne ia au.+   Ko koe ne fakaola ne koe matou mai omotou fili,+Ko koe telā ne fakamasiasi ne koe a latou kolā e takalia‵lia mai ki a matou.   Ka ofo atu ne matou a vikiga ki te Atua i te aso kātoa,Kae ka fakafetai atu matou ki tou igoa ki te se-gata-mai. (Selā)   Kae nei, ko oti ne ‵pei kea‵tea ne koe matou kae fakamasiasi matou,Kae e se olo fakatasi koe mo omotou kautau. 10  E fai faeloa ne koe matou ke ‵foki ki tua mai i te motou fili;+A latou kolā e takalia‵lia ki a matou e puke ne latou so se mea e ma‵nako ki ei. 11  E tuku atu ne koe matou ke fakaseai e pelā me ne mamoe;Ko oti ne fakasalalau ne koe matou ki nisi atufenua.+ 12  E ‵togi ki tua ne koe ou tino ki se ‵togi māmā ‵ki;+E seai se tupe silia e maua ne koe mai te lotou ‵togi.* 13  E fai ne koe matou e pelā me se mea fakatakalialia ki omotou tuakoi,Se mea fakatauemu kae ‵kata ki ei a tino katoa i omotou tafa. 14  E fai ne koe matou e pelā me se mea fai fa‵kata ki atufenua,+Se mea ke lūlū ki ei a ulu o tino. 15  Au ko oko eiloa i te ma i te aso kātoa,Kae ko au ko ‵fonu eiloa i te masiasi, 16  Ona ko leo o olotou pati fakaitaita kae fakamasei,Ona ko te motou fili telā e manako o taui ma sui. 17  A mea katoa konei ko oko mai ki luga i a matou, kae ne seki puli eiloa i a matou a koe,Kae ne seki soli foki ne matou tau feagaiga.+ 18  Omotou loto e seki ‵fuli eiloa kea‵tea;Omotou kalafaga e seki ‵seke eiloa mo tou auala. 19  Kae ne tuki pala ne koe matou i te koga e ‵nofo ei a tiakolo;Ne pulou ne koe matou ki te pouliga lasi. 20  Kafai ko puli i a matou te igoa o te motou AtuaIo me kafai e ‵fola atu omotou lima o ‵talo ki se atua fakaa‵tea, 21  E a, ka se iloa eiloa ne te Atua te mea tenei? E iloa ‵lei ne ia a mea ‵funa o te loto.+ 22  Ona ko koe ko ave ei matou o tamate i te aso kātoa;A matou ko fai pelā me ne mamoe ko ave o tamate.+ 23  Tu ki luga. Kaia e moe faeloa ei koe, e Ieova?+ Ala mai! Sa ‵pei kea‵tea ne koe matou ki te se-gata-mai.+ 24  Kaia e ‵funa ei ou mata? Kaia e fakapuli ei ne koe omotou puapuaga mo fakasauaga? 25  Me i a matou ko oti ne tuku ifo ki lalo i te ‵pefu;Omotou foitino ko ‵piki ki te laukele.+ 26  Tu aka e pelā me se tino fesoasoani o matou!+ Faka‵sao mai matou ona ko tou alofa fakamaoni.+

Fakamatalaga mai lalo

Onoono ki te FP.
Io me “Tuku.”
Io me “fakaolataga sili.”
Io me “e auala i te ‵togi o latou.”