Salamo 43:1-5

  • E faka‵sao ne te Atua a tino e pelā me se Famasino

    • ‘Fakamaina mai tou mainaga mo te munatonu’ (3)

    • “Kaia e fanoanoa ei au?” (5)

    • “Faka‵tali ki te Atua” (5)

43  Fakamasino mai au, e te Atua,+‵Pulu aka ne koe taku tagi+ ki se fenua sē fakamaoni. Fakasao mai au mai te tagata fakaloiloi kae e se amiotonu.   Me i a koe ko toku Atua, ko toku ‵pui malosi.+ Kaia ne ‵pei kea‵tea ei ne koe au? Kaia e ‵tau ei mo au o sasale valevale mo te fanoanoa ona ko fakasauaga mai toku fili?+   Fakamaina mai tou mainaga mo tau munatonu.+ Ke takitaki au ne mea konei;+Ke takitaki au ne mea konei ki tou mauga tapu mo tou faleie tapu sili.+   Tenā ko vau ei au ki te fatafaitaulaga a te Atua,+Ki te Atua, telā ko toku fiafiaga lasi. Kae ka tavae ne au koe ki te kitala+ e te Atua, toku Atua.   Kaia e fanoanoa ei au? Kaia ko oko mai ei te ‵numi tenei ki a au? Faka‵tali ki te Atua,+Me ka tavae ne au a ia e pelā me ko toku Fakaola Sili telā ko toku Atua.+

Fakamatalaga mai lalo