Salamo 42:1-11

  • ‵Viki atu ki te Atua e pelā me ko te Fakaola Sili

    • Te manako malosi ki te Atua e pelā mo te tia e fiainu malosi ki vai (1, 2)

    • “Kaia e fanoanoa ei au?” (5, 11)

    • “Faka‵tali ki te Atua” (5, 11)

Ki te takitaki o te kau fai pese. Masekila* mai tama tāgata a Kola.+ 42  E pelā mo te manako malosi o te tia ki vai mai tamā vaitafe,E manako malosi foki au ki a koe, e te Atua.   E manako malosi au ki te Atua, ki te Atua ola,+ e pelā mo se tino māfai ko fiainu malosi. Ko te taimi fea e mafai ei au o vau ki mua o te Atua?+   A oku loimata ko taku meakai i te ao mo te po;I te aso kātoa e fakaitaita au ne tino: “Tefea tou Atua?”+   E masaua ne au a mea konei, kae e fakaasi atu ne au oku lagonaga,Me ne sa‵sale fakatasi au mo tino e tokouke i se taimi;Ne masani au o sasale faka‵lei* i mua o latou ki te fale o te Atua,Fakatasi mo leo o te fiafia mo te fakafetai,Ko tino o te vaitino e fakamanatu se ‵kaiga fiafia.+   Kaia e fanoanoa ei au?+ Kaia ko oko mai ei te ‵numi tenei ki a au? Faka‵tali ki te Atua,+Me ka tavae ne au a ia e pelā me ko toku Fakaola Sili.+   Toku Atua, au ko fanoanoa.+ Tenā te pogai ko masaua ei ne au koe,+Mai te laukele o te Iolitana mo koga ma‵luga o Helemoni,Mai te Mauga o Misaa.*   A vai ‵poko e ka‵laga atu ki vai ‵pokoI te ‵tagi o koga e ‵tafe ei ou vai e uke. Ou galu ‵lasi katoa ko ma‵luga atu i a au.+   I te ao ka tuku mai ne Ieova tena alofa fakamaoni ki a au,Kae i te po ka nofo mo au a tena pese​—se ‵talo ki te Atua o toku ola.+   Ka fai atu au ki te Atua, toku kaupapa: “Kaia ko fakapuli ei ne koe au?+ Kaia e ‵tau ei mo au o sasale valevale mo te fanoanoa ona ko fakasauaga mai toku fili?”+ 10  Ona ko te kaitaua e fakaitaita au ne oku fili;I te aso kātoa e fakaitaita au ne latou: “Tefea tou Atua?”+ 11  Kaia e fanoanoa ei au? Kaia ko oko mai ei te ‵numi tenei ki a au? Faka‵tali ki te Atua,+Me ka tavae ne au a ia e pelā me ko toku Fakaola Sili telā ko toku Atua.+

Fakamatalaga mai lalo

Onoono ki te FP.
Io me “malielie.”
Io me “te mauga foliki.”