Salamo 41:1-13

  • Se ‵talo mai te moega o se tino masaki

    • E tausi ne te Atua a tino ma‵saki (3)

    • Ne fakatogafiti ne se taugasoa pili (9)

Ki te takitaki o te kau fai pese. Ko te pese a Tavita. 41  E fiafia so se tino e saga tonu atu ki te tino malalo;+Ka fakasao ne Ieova a ia i te aso o te puapuaga.   Ka leoleo ne Ieova a ia kae tausi a ia ke ola. Ka taku a ia me e fiafia i te lalolagi;+Ka se mafai ne koe o tuku atu a ia ki ana fili ke fai olotou loto.+   Ka tausi ne Ieova a ia i luga i te moega e masaki ei a ia;+I te taimi e masaki ei ka ‵fuli katoatoa ne koe tena moega.   Me e fai atu au: “Ieova, ke na talia mai au.+ Faka‵lei mai au,+ me i a au ne agasala ki a koe.”+   Kae ko oku fili e fai‵pati ki mea matagā e uiga ki a au: “Ko te taimi fea ka mate ei a ia kae galo atu tena igoa?”   Kafai e vau se tino i a latou ki a au, e faipati mai a ia mo te loi i tena loto. E ‵sala a ia ki se mea ke fakalogo‵mae ei au;Ko fano ei a ia o fakasalalau atu ki tua.   A latou katoa kolā e takalia‵lia ki a au e musu‵musu te suā tino ki te suā tino;E fai ne latou se togafiti masei o ‵teke mai ki a au:   “E isi se mea matagā ko pule atu ki a ia;Nei la, ko takato a ia i lalo, ka se toe tu aka eiloa a ia.”+   Ke oko eiloa ki te tagata telā e fealofani māua, ko ia telā e talitonu au ki ei,+Telā ne kai sāle ki aku meakai, ko oti ne ‵teke mai ki a au.*+ 10  Kae ko koe, e Ieova, ke na talia mai au kae fakatu aka au ki luga,Ko te mea ke toe taui atu ne au ki a latou. 11  E auala i te mea tenei ka iloa ei ne au i a koe e fiafia mai ki a au: Māfai ko se mafai ne toku fili o kalaga mo te manumalo i luga i a au.+ 12  E penei mo au, e ‵lago mai koe ki a au ona ko toku fakamaoni;+Ka tausi eiloa ne koe au i ou mua ki te se-gata-mai.+ 13  Ke vikia a Ieova, te Atua o IsalaeluKi te se-gata-mai.*+ Amene kae Amene.

Fakamatalaga mai lalo

Epelu, “sau aka tena mulivae o aka ne ia au.”
Io me “Mai te se-gata-mai ki te se-gata-mai.”