Salamo 39:1-13

  • Te toetoe o te ola

    • A te tagata se laumatagi fua (5, 11)

    • “Sa fakapuli ne koe oku loimata” (12)

Ki te takitaki o te kau fai pese; o Ietutunu.*+ Ko te pese a Tavita. 39  Ne fai aka au: “Ka puipui ne au oku aualaKe mo a ma agasala au i toku gutu.*+ Ka puipui ne au toku gutu ki se mea ‵sai gutu+I te taimi e nofo mai ei se tino amio masei i oku tafa.”   Ne seki ai saku pati ne mafai o fai kae nofo filemu;+Ne seki faipati au e uiga foki loa ki mea ‵lei,Kae ko toku logo‵mae ko oko eiloa i te malosi.   A toku loto ne ‵ka malielie* eiloa i loto i a au. I te taimi ne mafaufau ‵loto* ei au, kae ko te afi ne ka faeloa. Tenā ne faipati atu ei au:   “Ieova, fesoasoani mai ke iloa ne au me ka pefea toku gataga,Mo te aofaki o oku aso,+Ko te mea ke iloa ne au te toetoe o toku olaga.   E tonu, ko oti ne fakamu‵tana ne koe oku aso;*+Kae ko te leva o toku ola se mea fua e seai i ou mua.+ E tonu, e fai eiloa a tāgata katoa e pelā me se laumatagi, faitalia me e foliga tokagamalie latou.+ (Selā)   E tonu, a tāgata kātoa e sa‵sale fua e pelā me se ata. E fakava‵vave* fua a ia ki se mea e seai. E fakaputu ne ia ana koloa, kae e se iloa ne ia me ko oi ka maua ne ia.+   Se a te mea e mafai o fakamoemoe au ki ei e Ieova? A koe ko toku fakamoemoega fua e tasi.   Fakaola mai au mai aku amioga solitulafono katoa.+ Sa faigina au mo mea fakatauemu a te tino valea.   Ne tumau au i te sē faipati;E se mafai ne au o ‵tala toku gutu,+Me tenei eiloa te mea ne fai ne koe.+ 10  Sa toe fakasalagina au. Au ko vāivāi ona ko mea ne fai ne koe. 11  E fakatonutonu ne koe te tagata ki fakasalaga ona ko tena mea ‵se;+Ne fakamasei ne koe ana mea ne tausi e pelā eiloa mo mea e fai ne se anufe. E tonu, a tāgata katoa e fai fua pelā me se laumatagi.+ (Selā) 12  Fakalogo mai ki taku ‵talo, e Ieova,Fakalogo mai ki taku tagi mō se fesoasoani.+ Sa fakapuli ne koe oku loimata. Me i a au se tino fakaa‵tea ki a koe,+Se tino faimalaga e afe mai penei, e pelā eiloa mo oku tupuga katoa.+ 13  ‵Fuli kea‵tea ou mata sē fia‵fia konā mai i a au ko te mea ke fiafia auKoi tuai au o mate, ko galo atu ei au.”

Fakamatalaga mai lalo

Onoono ki te FP.
Io me “alelo.”
Epelu, “gasolo o ‵vela.”
Io me “mānava fi‵ta.”
Epelu, “te lauefa o te alofilima.”
Epelu, “fakalogoa.”