Salamo 38:1-22

  • Se ‵talo a se tino puapuaga telā ko salamō

    • “Ko tigaina kae ko seai soku fakamoemoega” (6)

    • E lagona ne Ieova a latou kolā e faka‵tali ki a ia (15)

    • “Ne manavase au ona ko taku agasala” (18)

Ko te pese a Tavita, e fai pelā me se fakamasauaga. 38  Ieova, sa polopoloki ‵mafa ne koe au i tou kaitaua,Io me fakatonutonu ne koe au i tou ita.+   Me i au matasana ko ‵suki ne latou au ki loto loa,Kae ko tou lima e ‵tao mai luga i a au.+   A toku foitino kātoa ko masaki ona ko tou kaitaua. Ko seai se filemu i loto i oku ivi ona ko taku agasala.+   Me i aku mea ‵se e ‵nofo i luga i toku ulu;+E pelā me se amoga ‵mafa, ko tō ‵mafa katoa ki a au.   A oku pa‵kiaga ko manogi ma‵sei kae ‵palaOna ko toku valea.   Au ko tigaina kae ko seai soku fakamoemoega;Au e sasale mo te fanoanoa i te aso kātoa.   E isi se mea e ‵ka i loto i a au;A toku foitino kātoa e masaki.+   Ko ‵mu valevale toku foitino kae ko oti eiloa au ne tuki palapala;A toku loto mafatia e fai ne ia au ke tagi ki luga mo te fi‵ta.   Ieova, a manakoga katoa o toku loto konā e ‵tu i ou mua,Kae ko toku mānava fi‵ta e se ‵funa mai i a koe. 10  Ko tuki toku fatu, ko galo toku malosi,Kae ko te mainaga o oku mata ko galo mai i a au.+ 11  A oku taugasoa mo tino e ‵kau fakatasi mo au ko ‵kalo kea‵tea mai i a au ona ko toku masaki,Kae ko tino kolā e masani ‵lei matou ko faka‵mao mai i a au. 12  A latou kolā e taumafai o tamate au e fai ne latou a malei;A latou kolā e taumafai o fakalogo‵mae au e fai‵pati eiloa ki te fakamaseiga;+E fai‵pati musu‵musu latou mo te ‵loi i te aso kātoa. 13  Kae e pelā me se tino taliga ‵tuli, e se fakalogologo eiloa au;+E pelā me se tino gūgū, e se ‵tala eiloa toku gutu.+ 14  Au ko fai pelā me se tagata telā e se lagona se mea,Telā e seai se mea e mafai o fai atu ne tena gutu ke ‵pulu a ia. 15  Me i a au ne faka‵tali ki a koe e Ieova,+Kae ne tali mai koe ki a au e Ieova toku Atua.+ 16  Me ne fai aka au: “Ke se kata‵kata eiloa latou ki a auIo me fakamaluga aka latou i luga i a au māfai e ‵mole toku vae.” 17  Me i a au ko toka ke siga ki lalo,Kae ko toku ‵mae e nofo faeloa mo au.+ 18  Ne fakaasi atu ne au taku mea ‵se;+Ne manavase au ona ko taku agasala.+ 19  Kae ko oku fili e ma‵losi kae ‵mafi,A tino kolā e takalia‵lia ki a au e aunoa mo se pogai ko gasolo o tokouke. 20  Ne taui mai ne latou te masei ki a au mō te ‵lei;Ne ‵teke ne latou au ona ko te ‵sala atu ki te mea ‵lei. 21  Sa tiaki ne koe au e Ieova. Te Atua, sa faka‵mao mai i a au.+ 22  Fakavave o fesoasoni mai ki a au,E Ieova, toku fakaolataga.+

Fakamatalaga mai lalo