Salamo 35:1-28

  • Te ‵talo mō se faka‵saoga mai i fili

    • Ka afuli kea‵tea a fili (5)

    • ‵Viki atu ki te Atua i loto i te fakapotopotoga (18)

    • Ne takalia‵lia ki ei e aunoa mo se pogai (19)

Ko te salamo a Tavita. 35  Ieova, ‵pulu aka ne koe taku tagi ki tino e ‵teke mai ki a au;+Taua atu ki a latou kolā e taua mai ki a au.+   Puke aka tau talita foliki mo te talita lasi,+Kae tu ki luga o ‵pulu au.+   Sisi aka tau tao mo te takū o te taua ki a latou kolā e ‵sala ki a au.+ Fai mai ki a au: “Au ko tou fakaolataga.”+   Ke fakamavale kae fakamasiasi a latou kolā e salasala ki toku ola.+ Ke toe ‵foki ki tua mo te masiasi a latou kolā e taumafai o tamate au.   Ke fai latou e pelā me ne kaiga o saito e agi i te matagi;Ke afuli kea‵tea latou ne te agelu a Ieova.+   Ke pouli te lotou auala kae ‵moleI te taimi e afuli ei latou ne te agelu a Ieova.   Me e aunoa mo se pogai ne ‵funa ne latou se tili ke malei i ei au;E aunoa mo se pogai ne keli ne latou se lua mō oku.   Ke oko fakapoi atu ki luga i a ia a fakalavelave;Ke ‵po eiloa a ia ne te tili ne ‵funa ne ia;Ke tō eiloa a ia ki loto i ei kae fakaseai atu.+   Kae ka fiafia eiloa au i a Ieova;Ka fiafia au i ana faifaiga faka‵sao tino. 10  A oku ivi katoa ka fai aka: “Ieova, ko oi e ‵pau mo koe? E faka‵sao ne koe a tino vāi‵vai mai i a latou kolā e ma‵losi,+Ko tino vāi‵vai mo tino ma‵tiva mai i a latou kolā e kaisoa ne latou olotou mea.”+ 11  E o‵mai ki mua a molimau sē ‵tonu,+Kae fesili mai ki a au e uiga ki mea kolā e se iloa ne au. 12  E taui mai ne latou te masei ki a au mō te ‵lei,+Kae fai ei au ke loto fanoanoa. 13  Kae i te taimi ne ma‵saki ei latou, ne pei au ki gatu lautaga;Ne fakapuapuaga ne au a au eiloa mai te fakalikiliki,Kae kafai e seai se tali ki taku ‵talo, 14  E sasale valevale au mo te fanoanoa e pelā me fanoanoa au ki se taugasoa io me se taina o oku;Ne punou ifo au ki lalo mo te loto fanoanoa, e pelā me se tino e fanoanoa ki tena mātua. 15  Kae i te taimi ne siga ei au, ne fia‵fia latou kae maopoopo fakatasi;Ne maopoopo fakatasi latou o ta au mai te lotou koga ‵muni;Ne saesae likiliki ne latou au kae seki ‵nofo filemu. 16  A tino sē amioatua e fakatauemu mai ki a au,E ū olotou nifo o ‵teke mai ki a au.+ 17  Ieova, e pefea te leva ka kilokilo mai ei koe?+ Fakasao aka au mai i olotou taua,+Ko toku ola tāua mai i tamā leona.+ 18  Tenā ka fakafetai atu ei au ki a koe i loto i te fakapotopotoga+ lasi;Ka ‵viki atu au ki a koe i te fakapotopotoga o tino. 19  Sa taliagina a latou kolā e fai mo oku fili e aunoa mo se pogai ke kata‵kata mai ki a au;Sa taliagina a latou kolā e takalia‵lia mai ki a au e aunoa mo se pogai+ ke faka‵kivi mai olotou mata.+ 20  Me e se fai‵pati atu ne latou a pati o te filemu,Kae fai ne latou a togafiti fakaloiloi ki tino filemu o te fenua.+ 21  E faka‵maga olotou gutu kae ‵losi mai ki a au,Olotou muna: “A! A! Ko lavea ne omotou mata a te mea tenā.” 22  Ne lavea ne koe te mea tenei e Ieova. Sa nofo filemu.+ Ieova, sa nofo ‵mao mai i a au.+ 23  Ala mai kae tu aka o ‵pulu au,Toku Atua, ko Ieova, ‵pulu aka au i taku tagi. 24  Fakamasino mai au e ‵tusa mo tou amiotonu,+ e Ieova toku Atua;Sa taliagina latou ke kata‵kata mai ki a au. 25  Ke mo a eiloa e fai aka latou ki a latou eiloa, penei: “A! Ko maua ne matou te mea e ma‵nako matou ki ei.” Ke mo a eiloa e fai aka latou: “Ko oti ne folo ne matou a ia.”+ 26  Ke na fakamavale atu a latou katoa kae fakamasiasigina,Ko latou kolā e kata‵kata ki oku fakalavelave. Ke fakapei ki te mavale mo te masiasi a latou kolā e fakamaluga aka ne latou a latou eiloa i luga i a au. 27  Kae ko latou kolā e fia‵fia ki toku amiotonu ke na ka‵laga atu mo te fia‵fia;Ke fai atu faeloa latou: “Ke fakamaluga aka a Ieova, telā e fiafia i te filemu o ana tavini.”+ 28  Tenā ko laulau ei ne toku alelo a tou amiotonu+Kae ‵viki atu ki a koe i te aso kātoa.+

Fakamatalaga mai lalo