Salamo 34:1-22

  • E faka‵sao ne Ieova ana tavini

    • “Ke fakamaluga aka fakatasi ne tatou a tena igoa” (3)

    • E puipui ne te agelu a Ieova (7)

    • “‵Tofo aka kae ka lavea atu a te ‵lei o Ieova” (8)

    • ‘E seai sena ivi e fati’ (20)

Ko te salamo a Tavita, i te taimi ne fakafoliga ei i a ia ko fakavalevale+ i mua o Apimeleko, telā ne afuli ne ia a ia kea‵tea, fano ei a ia. א [Alefa] 34  Ka ‵viki atu au ki a Ieova i taimi katoa;Ana vikiga ka ‵mau eiloa i oku laugutu i taimi katoa. ב [Peta]   Ka faipati fakamatamata au ona ko Ieova;+Ka ‵logo a tino agamalu kae fia‵fia. ג [Gimela]   Fakamaluga aka a Ieova fakatasi mo au;+Ke fakamaluga aka fakatasi ne tatou a tena igoa. ד [Taleta]   Ne fesili atu au ki a Ieova kae ne tali mai a ia ki a au.+ Ne fakasao ne ia au mai mea katoa e mataku au ki ei.+ ה [He]   Ko mata fia‵fia a latou kolā ne ‵kilo atu ki a ia;E se mafai eiloa o fakamasiasigina olotou mata. ז [Seini]   Ne kalaga atu a te tino malalo tenei, kae ne lagona ne Ieova. Ne fakaola ne ia a ia mai i ana fakalavelave katoa.+ ח [Heta]   A te agelu a Ieova e nofo i tafa o latou kolā e ma‵taku ki a Ia,+Kae faka‵sao ne ia latou.+ ט [Teta]   ‵Tofo aka kae ka lavea atu a te ‵lei o Ieova;+E fiafia a te tagata telā e faka‵lafi ki a ia. י [Iota]   Ma‵taku ki a Ieova, koutou katoa e ana tino tapu,Me i a latou kolā e ma‵taku ki a ia e seai ne mea e ma‵tiva i ei.+ כ [Kafa] 10  Ke oko ki tamā leona ma‵losi ko seai ne olotou mea kae ko fia‵kai,Kae ko latou kolā e ‵sala ki a Ieova ka seai ne mea ‵lei e ma‵tiva ei latou.+ ל [Lameta] 11  O‵mai, aku tama tāgata, faka‵logo mai ki a au;Ka akoako atu ne au a te mataku ki a Ieova.+ מ [Mema] 12  Ko oi i a koutou e fiafia ki te olagaKae fia lavea ne ia a aso ‵gali e uke?+ נ [Nuna] 13  Ke leoleo tou alelo mai mea ma‵sei,+Mo ou laugutu mai te faipati ki pati ‵loi.+ ס [Sameka] 14  ‵Fuli kea‵tea mai te mea masei kae fai te mea ‵lei;+‵Sala ki te filemu kae kausaki ki ei.+ ע [Aina] 15  A mata o Ieova e kilo atu ki tino amio‵tonu,+Kae ko ana taliga e fakalogologo ki olotou ‵tagi mō se fesoasoani.+ פ [Pe] 16  Kae ko mata o Ieova e ‵teke ki a latou kolā e fai a mea ma‵sei,Ke ‵solo kea‵tea a fakamasausauga katoa e uiga ki a latou mai i te lalolagi.+ צ [Sati] 17  Ne ‵tagi atu latou, kae ne lagona ne Ieova;+Ne faka‵sao ne ia latou mai olotou fakalavelave katoa.+ ק [Kofa] 18  A Ieova e pili ki a latou kolā e loto mafatia;+E fakaola ne ia a latou kolā ko fati‵fati olotou loto.*+ ר [Lesa] 19  E uke a fakalavelave faiga‵ta o te tino amiotonu,+Kae e fakasao ne Ieova a ia mai i mea katoa konā.+ ש [Sina] 20  E leoleo ne ia ana ivi katoa;E seai loa sena ivi ne fati.+ ת [Tau] 21  A fakalavelave ka tamate i ei a tino ma‵sei;A latou kolā e takalia‵lia ki tino amio‵tonu ka maua aka me e ‵se. 22  A Ieova ka faka‵sao ne ia a ola o ana tavini;E seai se tino e faka‵lafi ki a ia ka maua aka me e ‵se.+

Fakamatalaga mai lalo

Io me “kolā e loto vāi‵vai.”