Salamo 32:1-11

  • E fia‵fia a latou kolā ko fakamagalogina

    • “Ne fakaasi atu ne au taku agasala ki a koe” (5)

    • E tuku atu ne te Atua ki a koe a te ‵loto o te malamalama (8)

Ko te salamo a Tavita. Masekila.* 32  E fiafia a te tino telā e fakamagalogina ana amioga solitulafono, kae pulou atu* ana agasala.+  E fiafia a te tagata telā e taku ne Ieova me e sē ‵se,+Telā e seai se uiga fakaloiloi i a ia.   Kafai e nofo filemu au, e gasolo eiloa o vāi‵vai oku ivi ona ko toku tagi fi‵ta i te aso kātoa.+   Me i te ao mo te po a tou lima* e ‵mafa i luga i a au.+ A toku malosi ko ‵miti aka e pelā me ne vai i te tau ‵vela. (Selā)   Fakamuli loa, ne fakaasi atu ne au taku agasala ki a koe;Ne seki ‵funa ne au taku mea ‵se.+ Ne fai aka au: “Ka fakaasi ne au aku amioga solitulafono ki a Ieova.”+ Kae ne fakamagalo ne koe taku mea ‵se mo aku agasala.+ (Selā)   Tenei te pogai e ‵talo atu ei ki a koe so se tino fakamaoni+Me koi mafai o maua atu koe.+ Ke oko eiloa ki lofiaga o vai e se mafai o oko atu ki a ia.   A koe se koga ‵muni o oku;Ka puipui ne koe au mai fakalavelave.+ Ka fakatamilo ne koe au ki te kalaga fiafia o te fakaolataga.+ (Selā)   “Ka tuku atu ne au ki a koe a te ‵loto o te malamalama kae akoako koe i te auala e ‵tau o fano koe i ei.+ Ka tuku atu ne au a pati fakatonutonu mo oku mata e kilo ki a koe.+   Sa fai pelā me se solofanua io me se miula, telā e se malamalama,+Kae ko tena malosi e ‵tau o taofiofi ne se fagutu io me se uka e ‵sai i ana gutuKoi tuai o vau a ia ke pili atu ki a koe.” 10  E uke a logo‵maega o tino ma‵sei;Kae ko te tino telā e talitonu ki a Ieova e fakatamilo ne Tena alofa fakamaoni.+ 11  Ke fia‵fia ki a Ieova kae ‵lifu, koutou e tino amio‵tonu;Ka‵laga mo te fia‵fia, koutou katoa kolā e fai mea ‵tonu i otou loto.

Fakamatalaga mai lalo

Onoono ki te FP.
Io me “fakamagalo.”
Io me “sē fiafia.”