Salamo 30:1-12
-
Ko ‵fuli te fanoanoa ki te fiafia
-
A te mauaga o te taliaga a te Atua se mea i te olaga kātoa (5)
-
Se pese. Ko te pese o te fakaulufalega o te fale. Ko te salamo a Tavita.
30 Ka fakamaluga ne au koe, e Ieova, me ne sau aka ne koe au ki luga;Ne seki talia ne koe oku fili ke fia‵fia ona ko au.+
2 Ieova toku Atua, au ne tagi atu ki a koe mō se fesoasoani, kae ne faka‵lei aka ne koe au.+
3 Ieova, ne avaka ne koe au mai te Tanuga.*+
Ne tausi ne koe au ke ola; ne fakasao ne koe au ke se ‵goto ifo ki lalo i te lua.*+
4 Usu atu a pese o vikiga ki a Ieova, koutou e tino fakamaoni,+Avatu te fakafetai ki tena igoa* ‵malu;+
5 Me i te nofo atu mai lalo i tena kaitaua se taimi toetoe fua,+Kae ko te mauaga o tena taliaga e tumau eiloa i te olaga kātoa.+
E mafai o oko mai te tagi mautuutu i te afiafi, kae i te tafataeao, ko te tagi fiafia.+
6 I te taimi ne seai ei ne oku fakalavelave, ne fai aka au:
“Ka se mafai eiloa au o malaia.”*
7 Ieova, i te taimi ne nofo ei au mai lalo i tau taliaga, ne fai ne koe au ke malosi e pelā me se mauga.+
Kae i te taimi ne ‵funa ei ou mata, ne kamata au o polepole i te mataku.+
8 Ieova, au ne kalaga atu faeloa ki a koe;+Kae ne fakamolemole atu faeloa au ki a Ieova ke talia ne ia au.
9 Se a te aoga o toku mate,* māfai ko fanaifo au ki te lua?*+
E a, ka tavae koe ne te ‵pefu?+ E a, ka faipati mai a ia e uiga ki tou fakamaoni?+
10 Fakalogo mai, e Ieova, kae talia mai au.+
Ieova, ke fai koe mo fai toku fesoasoani.+
11 Ko oti ne ‵fuli ne koe toku fanoanoa ki te saka;Ko oti ne ave kea‵tea ne koe oku gatu lautaga, kae fakapei ne koe au ki te fiafia,
12 Ko te mea ke usu atu ne au* a pese o vikiga kae e se nofo filemu.
Ieova toku Atua, ka tavae ne au koe ki te se-gata-mai.
Fakamatalaga mai lalo
^ Io me “tanuga.”
^ Epelu, “fakamanatu.”
^ Io me “fakagasuesue,” io me “ka se mafai o takasēsē.”
^ Epelu, “toto.”
^ Io me “tanuga.”
^ Io me “toku ‵malu.”
